ፈትሹ/ድለዩ

ኣብ ሆስፒታል ዘይሰርሕን ፍሉይ ሞያ ናይ ዓውዲ ሕክምና ዘይሰነቐን ዶክተር። ምስዝጽልኣኩም ወይ ዝዀነ ይኹን ምስ ሕክምና ዝተኣሳሰር ጸገም ምስዘጋርመኩም፡ እቲ መጀመርታ ክትውከስዎ ዘለኩም ሰብ ክኢላ ሓፈሻዊ ሕክምና ዝዀነ ዶክተር እዩ።

ናይ ሓሶት መርዓ ዝበሃል፡ ሓደ ሰብ መሰል ነባርነት ንኽረክብ ጥራይ ብምሕላን ዝኣትዎ እሞ ምስ መጻምድቱ ዘይነብረሉ ዓይነት መርዓ እዩ። 

ደሞዝ ክበሃል እንከሎ፡ ሓደ ሰብ ኣብ ስራሕ ተዋፊሩ ዝረኽቦ ገንዘባዊ ኣታዊ እዩ። ተቘራጺ ዘይተነከዮ ደሞዝ፡ ግብርታት ዘይጐደልዎ መጠን ደሞዝ እዩ። ተቘራጺ ዝተነከዮ ደሞዝ፡ ግብርታት ዝጐደልዎ ደሞዝ መጠን እዩ። 

ኣብ መስርሕ ምድላይ ስራሕ ንዝርከቡ ሰባት ዝወሃብ ጠቕማዊ ሓገዝ።

ብምኽንያት ምድፋእ ዕድመ ካብ ናይ ስራሕ ህይወት ንዝተፋነዉ ሰባት ዝግበር ገንዘባዊ ደገፍ። ኣብ ቤልጂዩም፡ ሰባት ጥሮታ ዝወጽኡሉ ዕድመ 65 ዓመት እዩ።

ኣገልግሎት መድሕን ጥዕና ዝህበኩም ትካል። ማዕከን መድሕን ጥዕና ዝተፈላለዩ ኣገልግሎታት ይህብ፦ ክፊላዊ ወይ ምሉእ መሕወዪ ናይ ሕክምናዊ ወጻኢታት፡ ኣገልግሎት ክንክን ጥዕና፡ ክሰርሑ ንዘይክእሉ ሰባት ዝወሃቡ ጠቕማዊ ሓገዛት ወዘተ። ኣብ ቤልጂዩም፡ መድሕን ጥዕና ምእታው ግዴታዊ እዩ።

ኣብ ቤልጂዩም ፍቓድ ነባርነት ንምርካብ ዝበጋገስ መስርሕ ሕቶ።

ወረቐት ምስክር ናይ ብዝሒ ኣባላት ስድራ-ቤት፡ ካብ ማዕከን ህዝባዊ ምዝገባ ዝተወስደ ሰነድ እዩ። ማዕከን ህዝባዊ ምዝገባ ነፍሲወከፍ ሰብ ኣብ ትሕቲ እትውክሎ ስድራ-ቤት ዝምዝገበሉ ስርዓት እዩ።

መስርሕ ሕቶ ዕቝባኹም እናቐጸለ እንከሎ ኣብ ማእከል መቐበሊ ኣጋይሽ ዘይትጸንሑ እንተዄንኩም፡ ንሕክምናዊ ወጻኢታትኩም ብዝምልከት ናብ ትካል ፌዳሲል መመልከቲ ናይ ጠለብ ክፍሊት ገንዘብ (requisitorium) ከተቕርቡ ይግባእ።

ምስ ህጹጽ ሓገዝ ዝተኣሳሰሩ ናውቲ ዝህብ፡ ከምኡ'ውን ኣብ ዞባ ብራስለስ ኰነ ኣብ ከባቢኣ ኣብ ዝርከባ ከተማታት ንዝርከቡ ቤት-ኣልቦ ንዝዀኑ ሰባት ሕክምናውን ማሕበረ-ስነ-ልቦናውን ሓገዝ ዝገብር ግብረ-ሰናያዊ ትካል ናይ ቤልጂዩም።