ፈትሹ/ድለዩ

ሕጋውያን ሰነዳት ከይሓዘ ኣብ'ዛ ሃገር ዝርከብ ሰብ፡ ሕጋዊ መንበሪ ፍቓድ ዘይብሉ እዩ። ገለ ሰባት ካብ ኣገልግሎት ወጻኢ ዝዀኑ ሰነዳት ዝሓዙ ክዀኑ እንከለዉ፡ ገለ ድማ ሰነድ ዝበሃል ብፍጹም ዘይብሎም እዮም።

ልዑል መጠን ክፍሊት ብምውሳድ ሰባት ብዘይ ሕጋዊ መገዲ ዶብ ከምዝሰግሩ ዝገብር ሰብ። እዞም ከም'ዚኣቶም ዝኣመሰሉ ሰባት፡ ብዙሕ ሳዕ፡ ኣገባብ መጓዓዝያ፡ መግቢ፡ መጽለሊን (ትምዩን) ሰነድን የዳልዉ። ዘይሕጋውያን ኣስገርቲ ሰብ፡ ነዚ ንኽገብሩ ልዑል መጠን ገንዘብ እዮም ዝሓቱ። ገለ ዘይሕጋውያን ኣስገርቲ ሰብ ንዓማዊሎም ክጠልሙ ይረኣዩ።

ኣብ ፋይዳዊ ደረጃ መርመራ፡ ቀንዲ ትሕዝቶ ናይ ዘቕረብኩሞ መመልከቲ ይምርመር (ብመሰረት ዘለውዎ ፋይዳታት)። ኣብ መመልከቲኹም ዝተጠቕሱ ሓቅታት ይምርመሩ።

ፖሊስ ኣካል መንግስታዊ ኣገልግሎት እዩ። ፖሊስ ህዝባዊ ስርዓትን ድሕነትን የውሕስ፣ ኣብ ልዕሊ ገበናውያን ተግባራት መርመራ የካይድ፣ ከምኡ'ውን ሓገዝ ይገብር።

ናይ ኢማትሪኩሌሽን ወረቐት ምስክር (AI) ወይ ኣራንሾኒ ካርድ ከም ኣመልከትቲ ዓለም-ለኻዊ ዕቝባ (ሓተትቲ ዕቝባ) መጠን ዝወሃበኩም ግዚያዊ ሰነድ ፍቓድ ነባርነት እዩ። እዚ ወረቐት ምስክር እዚ ክትሰርሑ ከምእትኽእሉን ከምዘይትኽእሉን እውን ዝጠቅስ እዩ።

ጥብቆ-26 ምስዝህልወኩም፡ ሰነድ AI ካብ ምምሕዳር ከተማ ኪወሃበኩም ዝከኣል እዩ። ቀጺልኩም መመልከቲ እንተኣቕሪብኩም፡ ትካል CGVS/CGRA ንጠለብኩም ምስዘጽድቖ ጥራይ እዩ AI ክወሃበኩም ዝከኣል። 

ቤልጂዩም ዝርዝር ናይ'ተን ውሑሳት ዝዀና ናይ መበቆል ሃገራት ኣዳልያ ኣላ። ብዛዕብ ኣጉዳይ ናይ'ቶም ካብ'ዘን ውሑሳት ዝዀና ናይ መበቆል ሃገራት ዝመጹ ሰባት ብዝምልከት፡ ምስ CGVS/CGRA ኰነ ቤት-ጽሕፈት ኢሚግሬሽን ዝስርሓሉ ፍሉይ (ናይ ኣቋራጭ) ኣገባብ ኣሎ። ኣብ'ዚ እዋን እዚ ከም ውሑሳት ዝዀና ናይ መበቆል ሃገራት ዝውሰዳ እዘን ቀጺለን ዝጥቀሳ እየን፦ ኣልባኒያ፡ ቦዝኒያ-ሄርዞጎቪና፡ FYROM፡ ኮሶቮ፡ ሞንተኔግሮ፡ ሰርቢያ፡ ህንድን ጂዮርጂያን።



.

ውዕል ስራሕ፡ ኣስራሒን ሰራሕተኛን ዝኣትውዎ ውዕል እዩ። ከም ብዝሒ ሰዓታት ስራሕን መጠን ደሞዝን ንዝኣመሰሉ ነጥብታት ቅድመ-ኵነት ናይ ኣቈጻጽራ ሰራሕተኛ ዝሓዘ ሰነድ እዩ።

ትካል ዝኽፈተሎም ሰዓታት፡ ሓደ ድኳን ድዩስ ቤት-ጽሕፈት ኣገልግሎት ንምሃብ በሩ ዘርሕወሎም ሰዓታት እዮም።

ውልቀ-ሰብ ዜጋታትን ትካላትን ንመንግስቲ ዝኸፍልዎ ገንዘብ። መንግስቲ፡ ንዝኣከቦ ግብሪ፡ ህዝባውያን ኣገልግሎታት ኣብ ምምዋል የውዕሎ (ኣገልግሎት ክንክን ጥዕና፡ ጠቕማዊ ሓገዝ ናይ ሽቕለት ኣልቦነት ወዘተ)። 

ኣስራሕቲ ልክዕ ናይ ስራሕ ቦታ ክረክቡሎም ዘይክእሉ ሞያውያን።