Raadinta
Habraaca magangelyada
Habraac ku saabsan codsiga magangelyada caalamiga ah. Dhammaan tallaabooyinka aad marayso si aad u hesho magangelyada caalamiga ah: buuxinta foomamka, wareysi(-yada), sugida jawaab-celinta.
Nidaamka siyaasadeed
Habka waddan loo maamulo. Xaaladda siyaasadeed ee cadaadiska, dadku ma dhihi karaan waxa ay rabaan. Wargeysyada, kuma qori karaan waxa ay rabaan. Haddii aysan u fikirin ama dhihin waxa ay dhahayaan hoggaamiyeyaasha waddanka, waxay ku dambeyn karaan xabsi ama xitaa waa la dili karaa.
Celinta qasabka ah
Hadduu muwaadin ajnebi ah uusan u hoggaansamin amarka uu kaga baxayo dalka, isaga ama iyada waxaa laga yaabaa si qasab ah in looga saaro. Si loo sameeyo dib-u-celinta, qofka ajnebiga ah waxaa loo wareejin karaa xarun xabsi ama dhismo la degaan yahay.
Sharci ka dhuumasho
Inaad (si ku-meelgaar ah) is qariso. Xafiiska waaxda socdaalka wuxuu u arkaa falal kala duwan inay yihiin qaab ka mid ah 'sharci ka dhuumasho'.
Booliska
Booliska waa adeegayaal ka tirsan dawladeed. Boolisku wuxuu ilaaliyaa kala damebynta dadweynaha iyo amniga, wuxuu baaraa fal-debiyeedyada wuxuuna bixiyaa kaalmo.
Xarumaha Hagista Ardayga (CLB / PMS)
Xarunta hagista ardayga waxay ka kooban tahay koox dhakhaatiir, kalkaaliyeyaal, cilmi-nafsi, barbaariyayaal iyo shaqaalaha bulshada ah. Dugsi walba wuxuu la shaqeeyaa CLB/PMS.
CLB/PMS waxay mas'uul ka yihiin kormeerka dugsiga caafimaadka, balse waalid ama arday ahaan waxaad sidoo kale u doonan kartaa halkaas caawimaada lacag la'aan ah ee dhib ku qabida waxbarashada, cilmi-nafsiga iyo dhibaatooyinka bulsheed. Haddii aad qabto su'aal, waxaad waydiin kartaa adigoo inoo soo maraya dugsiga ama si toos ugu soo aadinayo CLB/PMS.
Jago bannaan
Shaqo laga heli karo shirkad, urur ama adeeg bulsho oo u furan shaqo doonka. Jagooyinka bannaan waxay ka soo muuqdaan xayaysiinada wargeysyada, daaqadaha hay'adaha shaqaaleynta ku-meelgaarka ah iyo internet-ka.
Dhakhtarka Guud (GP)
Dhakhtar aan ka dhex shaqeynin isbitaalka oo aan ku takhasusin laan gaar ah oo ka mid ah caafimaadka. Dhakhtarka guud waa qofka ugu horeeyo ee lala kulmo haddii aad jirran tahay ama aad qabto dhibaato caafimaad.
Aroos dhayal ah
Aroos kaasoo ugu yaraan hal lammaane kaliya wax u guursado inuu ka helo xuquuq deganaansho waddan oo uusan u guursan inuu la noolaado qofka kale.
Heshiiska wada-noolaanshaha
Heshiiska wada-noolaanshaha waa heshiis ka dhaxeeyo laba qof ama ka badan kuwaasoo wadaago qoys.
Haddii, magangelyo-doon ahaan, aad u degnayn xarunta qaabilaada, weli waxaad heli kartaa gargaar caafimaad.
Haddii aadan helin goobta soo dhaweynta kadib isdiiwaagelinta xafiiska socdaalka, waxaad iska diiwaangelin kartaa liiska sugitaanka. Inta laga gaarayo mudadas, waxaad xaq u leedahay daryeelka caafimaadka iyo gargaarka sharciga.
Waxaad gudbin kartaa codsiga xiga ee magangelyada caalamiga ah haddii codsigaaga koowaad la diiday. Kaliya gudbi codsiga xiga haddii ay jirto sabab cusub ama haddii xaqiiqooyin cusub ay soo baxeen ka dib markii codsigaaga koowaad la diiday.
Maalinta aad gaarto 18 jir waa xilli muhiim u ah noloshaada. Markaan ma tihid ilmo yar oo aan la wehlin oo midaan waxaay cawaaqib u keenaysaa habraacaaga deganaansho iyo qaabilaadaada gudaha Biljimka.
Marka lagu daro nidaamka magangalyo, waxaa jira habraac degenaansho khaas ah oo loogu talagalay ilmaha yar ee aan la wehlin. La tasho mas'uulkaaga hadduu habraacani yahay fursad kuu diican adiga
Inta lagu jiro habraacaaga magangelyo, uma safri kartid dibbada. Marka lagu siiyo aqoonsi qaxootinimo, mar dambe waad safri kartaa, laakiin uma safri kartid wadankaaga asalka ah.
Gudaha Biljimka, waxaa qasab ah inaad qaadato caymiska caafimaadka. Haddii aad jirran tahay, sanduuqa caymiska caafimaadka ayaa bixiya qayb weyn oo ka mid ah kharashka caafimaadka. Haddii aadan awoodin inaad shaqeysid iyadoo ugu wacan tahay jirro ama shil, waxaad heli doontaa magdhow dhaqaale kuu beddelo mushaarkaaga.
Miyaadan xuquuq u laheyn qaabilaad oo ma raadinaysaa meel aad seexato oo ku taalo bay'ad ammaan ah? Hay'ado kala duwan oo ku sugan Biljimka ayaa siiya caawimaad iyo hoy dadka u baahan.
Haddii aadan joogin xarunta qaabilaada inta lagu jiro qiimeynta codsigaaga magangalyo, ma heli doontid wax Taageero maaliyadeed ah. Waxaad xaq u leedahay gargaar caafimaad.
Xafiisyada dib-u-noqoshada ikhtiyaarka ah ee Fedasil iyo wada-hawlgaleyaasheeda waxay joogaan meel kasta oo kamid ah Biljimka. La xiriir mid ka mid ah xafiisyadan si aad u warsato dib-u-noqosho ikhtiyaari ah ama macluumaad dheeraad ah.