መስርሕ ዑቝባ

ኣብ'ዚ ማእከል እዚ፡ነቲ ንዕቝባ ብዝምልከት እተቕርብዎ መመልከቲ ናብ ቤት-ጽሕፈት ኢሚግሬሽንተረክብዎ። ቤት-ጽሕፈት ኢሚግሬሽን እታ ንመመልከቲኹም ክትከታተሎ ስልጣን ዘለዋ ሃገር ቤልጂዩም ምዃናን ዘይምዃናን ክፍትሽ እዩ።

ድሕር'ዚ፡ መመልከቲኹም ናብ ቤት-ጽሕፈት ጠቕላሊ ኮሚሽነር ስደተኛታትን ሃገር-ኣልቦ ሰባትን (CGVS/CGRA)ክሰጋገር እዩ። እዚ ትካል እዚ ዘይሻርነታዊ ውድብ ኰይኑ ቃለ-መሕትት ከካይደልኩምን ኣብ ጉዳይኩም ውሳኔ ክወስድን እዩ።

ብዛዕባ እቲ ብትካል CGVS/CGRA ዝወሃበኩም ውሳኔ ምስዘይትሰማምዑ፡ ኣንጻሩ ናብ ቤት-ምኽሪ ክርክር ሕጊ መጻእተኛታት (RvV/CCE)ይግባይ ክትብሉ ትኽእሉ ኢኹም።