ኣብ ሞንጎ መስርሕ ናይ'ቲ ጉዳይ ናብ ወጻኢ ሃገር ምጋሽ

መስርሕ ሕቶ ዕቝባ ከይተዛዘመ ናብ ወጻኢ ሃገር ምጋሽ ፍቑድ ኣይኰነን

ዓለም-ለኻዊ ዕቝባ ንኽወሃበኩም መመልከቲ ከምዘቕረብኩም ሰባት መጠን፡ ጉዳይኩም ኣብ መስርሕ እንከሎ ካብ ቤልጂዩም ክትወጹ ኣይትኽእሉን ኢኹም። ብዓቢኡ ፍቓድ ነባርነት የብልኩምን። እቲ ተዋሂቡኩም ዘሎ ናይ ኢማትሪኩሌሽን ወረቐት ምስክር፡ ኣብ ውሽጢ ክሊ ኤውሮጳ ንኽትገሹ ዘኽእለኩም ኣይኰነን።

ይኹን`ምበር፡ ናብ ናይ መበቆል ሃገርኩም ክትምለሱ ምስእትደልዩ፡ መስርሕ ሕቶ ዕቝባኹም ኣብ ዝዀነ ይኹን እዋን ደው ከተብልዎ ትኽእሉ ኢኹም። ትካል ፌዳሲል ኣብ መዳይ ምውዳብ መስርሕ ምምላስኩም፡ ከምኡ`ውን ዋጋ ትኬት ነፋሪት ኣብ ምሽፋን ክተሓጋገዘኩም እዩ።

ከም ዕቑብ ስደተኛ ተቐባልነት ረኺብካ ምጋሽ

ከም ዕቝባት ስደተኛታት ተቐባልነት እንተረኺብኩም ወይ ኣብ ሳልሳይ ኣካል ዝምርኮስ ዕቝባእንተጸዲቑልኩም፡ ናብ ወጻኢ ሃገር ክትገሹ ትእኽሉ ኢኹም።

ንኽትገሹ ዘድልዩኹም ሰነዳት ኣየኖት እዮም?

• ተቐባልነት ዘለዎ ኤሌክትሮኒካዊ ታሴራ ናይ ወጻእተኛታት
• ሰነድ መገሻ ናይ ዕቑባት ስደተኛታት(ሰማያዊ ፓስፖርት)።

ሰማያዊ ፓስፖርት ንኽወሃበካ መመልከቲ ምቕራብ

ፓስፖርት ንኽወሃበኩም ኣብ`ቲ ዝተመዝገብኩሙሉ ምምሕዳር ከተማ ክትሓቱ ትኽእሉ ኢኹም።

ፓስፖርት ንምርካብ መመልከቲ ኣብ እተቕርቡሉ እዋን፡ እዞም ዚስዕቡ ሰነዳት ከድልዩኹም እዮም፦

• ናትኩም ኤሌክትሮኒካዊ ታሴራ ናይ ወጻእተኛ
• ንፓስፖርት ዝበቅዕ ስእልኹም
• መረጋገጺ ኣባላት ስድራ-ቤት (ብዛዕባ እዚ ንምምሕዳር ከተማኹም ተወከሱ)