ፈትሹ/ድለዩ

ብመሰረት ውሳኔ ቤት-ፍርዲ ወይ ትካል ከባብያዊ ምምሕዳር፡ ሓላፍነት ምእላይ ናይ ትሕቲ-ዕድመ ዝዀነ መንእሰይ ወይ ህጻን ዝተሰከመ/ት ሰብ። ከም ትሕቲ-ዕድመ መንእሰያት ወይ ህጻናት መጠን፡ ንምምሕዳራዊ መገዲ ሕጋዊ/ት መጕዚት ክ(ት)ምደበልኩም እዩ/ያ። ሕጋዊ/ት መጕዚት ኣብ ዝተፈላለዩ ዕማማትኩም/ክን ክተሓጋገዘኩም/ክትተሓጋገዘክን እዩ/ያ።

መዕበያ ሓላፍነት ወለዲ ክበሃል እንከሎ፡ ሕጋዊ ሓላፍነት ወሲድካ - ውላድ ናይ ካልእ ሰብ ንዝዀነ ትሕቲ-ዕድመ መንእሰይ ወይ ህጻን ምእላይ ማለት እዩ። እዚ ክዀነሉ ዝኽእል፡ ወለዲ ናይቲ ዝምልከቶ ህጻን (ንግዚኡ) ባዕላቶም ንውላዶም ክኣልዩ ዘይክእሉ ምስዝዀኑ እዩ።

ትሕቲ 18 ዓመት ዝዕድሚኡ/ኣ ሰብ

• በልጅየም
• ቡልጋሪያ
• ቆጵሮስ
• ዴንማርክ
• ጀርመን
• ኢስቶንያ
• ፊንላንድ
• ፈረንሳ
• ግሪኽ
• ሃንጋሪ
• ኣየርላንድ
• ኣይስላንድ
• ኢጣልያ
• ክሮኤሽያ
• ላትቪያ
• ሊችተንስታይን
• ሊትዋኒያ
• ላግዘምበርግ
• ማልታ
• ኔዘርላንድስ
• ነርወይ
• ኦስትሪያ
• ፖላንድ
• ፖርቱጋል
• ሩማኒያ
• ስሎቬንያ
• ስሎቫኪያ
• ስፐይን
• ቸክ ሪፓብሊክ
• ዓዲ-እንግሊዝ (ኢንግላንድ፡ ስኮትላንድ፡ ወይልስ፡ ከምኡ'ውን ሰሜን ኣየርላንድ)
• ሽወደን

እቲ ቀንዲ ዝበሃል መንበሪ ቦታ፡ ሓንቲ ስድራ-ቤት ወይ ሓደ ውልቀ-ሰብ ንኹሉ ሳዕ ዝነብሩሉ ቦታ እዩ። ስድራ-ቤት ምስኣ ናይ ስጋ ዝምድና ዘለዎም (ኣባላት ቤተ-ሰብ) ከምኡ'ውን ዘይብሎም (ንኣብነት - ፈተውቲ፡ መናብርቲ ወዘተ) ሰባት ከተጸግዕ ዝከኣል እዩ

ቤት-ጽሕፈት ኢሚግሬሽን (DVZ/OE), ቤት-ጽሕፈት ጠቕላሊ ኮሚሽነር ዕቑባት ስደተኛታትን ሃገር-ኣልቦ ሰባትን (CGVS/CGRA)፡ ቤት-ምኽሪ ምጕት ኣብ ጉዳይ ሕጊ መጻእተኛታት (RvV/CCE)።

ትሕቲ 18 ዓመት ዝዕድሚኦም ሰባት ብሓባር ዝድቅሱሉን ዝነብሩሉን ናይ ማእከል መቐበሊ ኣጋይሽ ቦታ ኰይኑ፡ ተቘጻጸርቲ ብኣካል ሃልዮም ግቡእ ዕማማቶም ዘሰላስሉሉ ቦታ።

ዓለም-ለኻዊ ዕቝባ ንኽረኽቡ መመልከቲ ዘቕረቡ ሰባት፡ ጉዳዮም ኣብ መዕለቢኡ ክሳብ ዝበጽሕ ነገራዊ ሓገዝ (ግቡእ ኣቀባብላ) ንኽረኽቡ መሰል ኣለዎም። 

ህዝባውያን ቦታታት ዝበሃሉ፡ ኵሉ ሰብ ሰብ ዝጥቀመሎም ከባቢታት እዮም። ዝበዝሑ ህዝባውያን ቦታታት ናሕሲ ዘይብሎም እዮም።

ናይ ባንክ ካርድ ወይ ደቢት ካርድ ብምጥቃም፡ ካብ ATM ገንዘብ ከተውጽኡ ኰነ ብመገዲ Bancontact ክፍሊታት ከትፍጽሙ ትኽእሉ ኢኹም።