لټون
فامیل سره یوځای کېدل
د فامیل د هغو غړو سره بېرته یو ځای کېدل چې شرایطو، اکثر مهاجرت، یو بل نه جلا کړي وي. که تاسو د مهاجر په صفت قبول شوي یاست یا که تاسو قانوني اقامه لرئ، نو د ځینو خاصو شرایطو لاندې کولی شئ چې د فامیل غړي مو بلجیم ته راشي.
د اقامې ځواب
د اقامې ځواب هغه شرایط ټاکي د کومو لاندې چې یو تن په بلجیم کې اوسېدلی شي. دا کېدلی شي چې مؤقت یا د تل لپاره وي.
د اقامې په ټولو ځوابونو حقونه او محدودیتونه تطبیقېږي. د اقامې ځواب د نورو شیانو تر څنګ دا خبره ټاکي چې آیا ته دلته کار کولی شې که نه؛ آیا بل کوم هیواد ته سفر کولی شې که نه؛ دا چې آیا د فامیل غړي دې راوستلی شې که نه.
د خلکو قاچاقبر
هغه څوک چې خلک په غیر قانونی توګه د ډېرو پیسو لپاره د پولې نه اړوي. قاچاقبر عموماً ټرانسپورټ، خواړه، سرپناه، او (جعلي) اسناد برابروي. د خلکو قاچاقبران دې لپاره ډېرې پیسې غواړي. ځینې د خلکو قاچاقبران خپل مشتریان خوشې کوي.
کورنی تاوتریخوالی
په کورني یا فامیلي دایره کې ترسره شوی تاوتریخوالی. اړینه نده چې تاوتریخوالی کور کې ترسره شوی وي.
جریمه
جریمه د پیسو یو مبلغ وي چېپه تاسو یې ادا کول لازمي وي که چیرته تاسو کومه غیر قانونی کار کړې وي. د بیلګې په توګه: د موټرچلولو پر مهال د تېزرفتارۍ جریمه.
عمومي معالج
یو ډاکټر چې په روغتون کې کار نه کوي او کوم چې د طب په کومه خاصه برخه کې تخصص نلري. که تاسو مریض یاست یا طبي مشکل لرئ نو عمومي معالج مو د تماس لومړۍ نکته ده.
د شریک اوسېدو قرارداد
د شریک اوسېدو قرارداد د دوه یا زیاتو کسانو چې په یو کور کې شریک ژوند کوي ترمینځ موافقه ده.
د روزګار دفتر
د روزګار یو دفتر به تاسو سره د کار په موندلو کې کومک کوي. د بیلګې په توګه: VDAB، Actiris، Forem.
د کرایې قرارداد
یو کور لپاره د کور د څښتن او کرایه دار ترمینځ موافقه. د کرایه دار په صفت قانون ستاسو حفاظت کوي.
د روغتیايي بیمې بودیجه
یوه داسې اداره چې تاسو ته روغتیايي بیمه درکوي. د روغتیايي بیمې بودیجه مختلف خدمتونه وړاندې کوي: د صحي مصارفو ټول یا یوه برخه پیسې بېرته ورکول، روغتیايي پاملرنه، که کار نشئ کولی نو مرسته، او داسې نور. د یوې روغتیايي بیمې د بودیجې سره تړون بلجیم کې اجباري دی.
هغه پناهنه غوښتونکي چې د مهاجر په صفت قبول شي بلجیم کې پاتې کېدلی شي.
په بلجیم کې رقم رقم مذهبونه او مفکورې شته. تر ټولو غټ مذهب مسیحیت دی. ډېر داسې خلک هم شته چې مذهبي ندي.
د مهاجرت دفتر ګوري چې بلجیم که بل کوم اروپايي هیواد به نړیوال حفاظت لپاره ستاسو په درخواست کار کوي. دې ته د ډوبلین مقرره' ویل کېږي.
د مهاجرت دفتر تا رابلي (ځینې وختونه څو کرته) چې پوښتنې درنه وکړي.
په بلجیم کې اجازه نشته چې په عامه ودانیو، د کار په ځای، کیفې ګانو یا رستورانونو او د هرکلي مرکز کې سګریټ وڅکئ. خو په لاره کوڅه یا ازاد هوا کې سګریټ څکلی شې.
بلجیم کې په اسانۍ سره اورګاډي، ټرام یا بس کې سفر کولی شې. تل د ختلو نه مخکې ټکټ واخله.
CGVS/CGRA ستا د مهاجر په صفت قبوليختمولی شي، د بېلګې په توګه که ته یو نوی تابعیت ولرې او یا هغه هیواد ته د اوسېدو لپاره لاړ شې چیرته چې ته د تعقیب نه ډارېدلې. که تا د تفتیش پر مهال دوکه کړې وي نو CGVS/CGRA ښايي ستا قبولي بېرته واخلي.
بلجیم کې د کار او تعلیم کولو او خلکو سره د تماس نیولو لپاره درباندې لازمه ده چې ژبه زده کړې. په بلجیم کې د هالنډۍ یا فرانسوۍ ژبې کورس ویلی شې، کوم چې د نوو رارسېدلو هغو خلکو لپاره جوړ شوي چې دا یې مورنۍ ژبې ندي.
ته جدي مریض یې او په خپل اصلي وطن کې دې تداوي نشي کېدلی. نو ته بلجیم کې پاتې کېدو په خاطر د طبي انتظام درخواست ورکولی شې. انتظام یو استثنايي پروسیجر دی.