Gudniinka fircooniga ee dumarka
Waxaad ka soo qaxday wadankaaga asalka ah iyadoo ugu wacan tahay inaad ka cabsaneyso in lagugu samayn doono gudniinka fircooniga. Waxaad codsan kartaa magangelyo caalami ah gudaha Biljimka.
Codsashada magangelyada caalamiga ah
CGVS/CGRA ayaa wax ka qaban doona codsigaaga. CGVS/CGRA ayaa falanqeyn doonaa xaaladdaada gaarka ah iyo xaaladda dalkaaga hooyo. CGVS/CGRA ayaa ku siin kara sharciga qaxootinimada.
- Kala hadal khatarta gudniinka fircooniga ee dumarka shaqaalahaaga bulshada iyo qareenkaaga.
Gabadhaadu waxay heshay aqoonsi qaxootinimo iyadoo ugu wacan tahay halista gudniinka fircooniga ah?
Marka gabadhaadu hesho aqoonsiga qaxootinimo, adiga waalid ahaan waad u soo gudbin kartaa codsiga sharciyeynta samafal (9bis) dawladda hoose ee halka aad ku nooshahay.
Haddii codsigaaga la oggolaado, waxaad heli doontaa oggolaansho degganaansho si aad adiga iyo gabadhaada iskula noolaataan gudaha Biljimka.
Xaqiiqo raadinta CGVS/CGRA
Kadib markii gabadhaada marka ay hesho aqoonsiga qaxootinimo, CGVS/CGRA waxay hubisaa in gabadhaada gudniinka fircooniga ku martay iyo in kale gudaha Biljimka.
Waalidiintu waa inay saxiixaan bayaan qoraal ah oo dhigaya in gabadhooda aysan mari doonin gudniinka fircooniga.
Waxaa lagaa doonayaa inaad u soo dirto shahaadada caafimadka CGVS/CGRA sanad walba.
Shahaadada waa in ay xaqiijiso in gabadhaada aan la marin gudniinka fircooniga.
Gabadhaada haddii lagu sameeyay gudniinka fircooniga, CGVS/CGRA ayaa kaala noqon karo sharcigaaga qaxootinimo.