ፈትሹ/ድለዩ

ሓተትቲ ዕቝባ ዓራት፡ መግቢ፡ ማሕበራዊ ሓገዝን ሕክምናዊ ሓገዝን ይወሃቡ።

መኪና ንምዝዋር፡ ክተኽብርዎም ዘለኩም ኣገደስቲ ሕግታት ኣለዉ።

ትካል CGVS/CGRA፡ እቲ ጸዲቑልኩም ዝጸንሐ ኣብ ሳልሳይ ኣካል ዝምርኮስ ዕቝባከምዘብቅዕ ከገብር ይኽእል እዩ። እዚ ድማ ኵነተ-ሃለዋትኩም/መሰልኩም ከምዝስረዝ ወይ ከምእትሕደጉ ብምግባር ክፍጸም ይከኣል።

ነፍሲ-ወከፍ ሓታቲ ዕቝባ ሓገዝ ናይ ኣሳላጢ/ት ማሕበራዊ ጉዳያትይረክብ።

ሞያዊ ስልጠና እንተተኸታቲልኩም፡ (ሓድሽ) ሞያ ክትምሃሩ ኢኹም። ንኣብነት፡ ተሓጋጋዚ ከሻናይ፡ ነዳቓይ ወይ ኣጽራዪ ንምዃን ዘኽእሉ መሰረታውያን ክእለታት ክትምሃሩ ኢኹም።

ንገዛእ ርእስኹምን ንደቅኹምን ካብ ከበድቲ ሕማማት ተኸላኸሉ (ፖልዮ፡ ተታኑስ፡ ንፍዮ) ከምኡ'ውን ተኸተቡ። ኣብ ቤልጅዩም፡ እቶም ቀንዲ ኣገደስቲ ክታበታት ብናጻ እዮም። ቆልዑ ኣብ ቤት-ትምህርቲ ወይ ኣብ መደበር ክሊኒክ ጥዕና ክታበታት ይወስዱ።

ናብ ዶክተር ክትርኣዩ ምስከድኩም፡ ንእኡ ወይ ንኣኣ ክትኣምንዎምን ብዛዕባ ዝኾነ ቃንዛ ወይ ጸገማት ክትነግርዎምን ትኽእሉ ኢኹም። ሓደ ዶክተር፡ ብዛዕባ'ቲ ምስከድክሞ ትነግርዎ ነገራት፡ ምስጢራዊ ገይሩ ክሕዝ ሓላፍነት ኣለዎ።

ኣብ ቤልጅዩም ኣኽብሮት ሓደ ኣገዳሲ መሰረታዊ ክብሪ እዩ። ንሕጊ፡ ንኻልኦት ሰባት፡ እንስሳታትን ንብረትን ክተኽብሩ ኣለኩም።