መሰነይታ ንዘይብሎም ትሕቲ-ዕድመ መንእሰያት ወይ ህጻናት ዝምልከት መስርሕ ሕቶ ዕቝባ

እቲ CGRS (CGRA/CGVS) ን መመልከቲኻ ኻብ ቤት ጽሕፈት ስደተኛታት ክቕበል እዩ። እቲ CGRS ነቲ መመልከቲ ዕቝባኻ  ብመሰረት ቃለ-መጠይቕ ክምርምሮ እዩ። ኣብ እዋን እቲ ቓለ-መጠይቕ ንበልጅዩም ዕቝባ ኽትህበካ እትሓትተሉ ዘለኻ ምኽንያት እትገልጸሉ ኣጋጣሚ ኽትረክብ ኢኻ።

ነቲ ቓለ-መጠይቕ ምድላው

ንስኻ፣ናትካመጉዚት ከምኡውን ናትካ ጠበቓ ዕድመ ናይ ቃለ-መጠይቕ ክትቅበሉ ኢኹም። ንስኻን መጉዚትካን ኣብቲ ቓለ-መጠይቕ ክትርከቡ ኣሎኩም። ጠበቓኻ መታን ኺሕግዘካ እንተሃለወ እውን ዝሓሸ እዩ።

ቅድሚ እቲ ቓለ መጠይቕ ብዝተኻእለ መጠን ብዙሕ ሓበሬታን ሰነዳትን፣ ብዛዕባ

• መንነትካን ዕድመኻን
• ጕዕዞኻ ናብ በልጅዩም
• ዝሃደምካሉ ምኽንያት
• ክከውን ዝኽእል ካብ ቦታ መንበሪ ስድራኻ

ከምዝኣከብካ ርግጸኛ ኹን።

ኣብ ክንዲ እትሕስው ወይ ሓደ ነገር ኣብ ክንዲ እትገብር፣ ሓደ ነገር ኣይፈልጥን እየ ምባል ዝሓሸ እዩ ።

ቋንቋ ዳች ወይ ፈረንሳይኛ ዘይትዛረብ እንተ ኾይንካ ክትሓትት ትኽእል ኢኻ ተርጓሚ። እቲ ተርጓሚ ንስኻን እቲ ሓላፊ ዕቝባን ንሓድሕድኩም ክትረዳድኡ ኸም እትኽእሉ የረጋግጽ።

ሓደ እትኣምኖ ሰብ ናብቲ ቓለ-መጠይቕ ኬሰንየካ እውን ክትሓትት ትኽእል ኢኻ። እዚ እትኣምኖ ዓቢ ሰብ እዩ፣ ንኣብነት ናይ ስነ-ኣእምሮ ሓኪም፣ መምህር ወይ ማሕበራዊ ሰራሕተኛ።

እቲ CGRS ብዘይካዚ ንሓደ ኣባል ስድራ ቤትካ ንኣብነት ንሓውካ ወይ ሓትኖኻ ኵነታትካ ንኼነጽር ናብቲ ቓለ መጠይቕ ኪዕድሞ ይኽእል እዩ።

እቲ መርመራ

ደድሕሪ እቲ ቓለ-መጠይቕ እቲ ሓላፊ ዕቝባ ነቲ ዓለምለኻዊ ዕቝባ ንምርካብ እተቕርቦ መመልከቲ ኺምርምሮ እዩ።

ንሱ ወይ ንሳ ንእተፈላለየ መዳያት ኪርኢ እዩ፡

• ንታሪኽካ ዘተኣማምኖ
• ዝኣከብካዮ ሰነዳት ታሪኻ
• እቲ ኩነታት ኣብ መበቆል ሃገርካ ወይ እታ እትነብረላ ዝነበርካ ሃገር

እቲ CGRS ብዛዕባ ዕድሜኻ፣ ኣተዓባብያን ኣብ ግምት ኬእቱ ዜድልዮ ነገራትን።

ድሕሪ እቲ መርመራ CGRS ደብዳበ ናይ ዉሳኒኡ ክልእኸልካ እዩ። እቲ መጉዝትካን ጠበቓኻን እውን ተመሳሳሊ ደብዳበ ኺቕበሉ እዩም።