ኵነተ-ሃለዋት ናይ ዕቑብ ስደተኛ

እቲ ካብ መንግስቲ ቤልጂዩም ዕቝባ ክትረኽቡ ይግባእ ዶ ኣይግባእን ዝውስን ኣካል፡ ትካል CGVS/CGRA እዩ። እንተ ደኣ ኵነተ-ሃለዋት ናይ ዕቑብ ስደተኛ ጸዲቑልኩም፡ ኣብ ቤልጂዩም ን 5 ዓመታት ክትጸንሑ ትኽእሉ ኢኹም። ድሕር`ዞም 5 ዓመታት፡ ዘይውሱን መሰል ነባርነት እዩ ዘለኩም።

ትካል CGVS/CGRA ብመንጽር`ቲ ንዕቑባት ስደተኛታት ዝምልከት ስምምዕ ጀኔቫ ውሳኔኡ ይህብ። እቲ ካብ ትካል CGVS/CGRA ዝከኣኸልኩም ደብዳቤ፡ ስለምንታይ ኵነተ-ሃለዋት ናይ ዕቑብ ስደተኛ ከምዝጸደቐልኩም ዝጠቅስ ትሕዝቶ ኣለዎ።

ንዕቑባት ስደተኛታት ካብ ናይ ዜጋታት ቤልጂዩም ዘይፍለዩ መሰላትን ግዜታታትን እዮም ዘለውዎም። ኣብ ስራሕ ክዋፈሩ ኰነ ማሕበራዊ ደገፍ ንኽግበረሎም ከመልከቱ ይኽእሉ እዮም። መብርሂ ንምርካብ ን ኣሳላጢ/ት ማሕበራዊ ጉዳይኩም ወይ ን ክኢላ ስነ-ሕጊ/ጠበቓ ተወከሱ። ኣብ ነቝጣ መርበብ ሓበሬታ ናይ CGVS/CGRA እውን ሓበሬታ ክትረኽቡ ትኽእሉ ኢኹም።

ገለ ዓለም-ለኻዊ ዕቝባ ንምርካብ መመልከቲ ዘቕርቡ ሰባት ከም ዕቑባት ስደተኛታት ተቐባልነት ኣይረኽቡን፤ ግና 'ኣብ ሳልሳይ ኣካል ዝምርኮስ ዕቝባ'ይጸድቀሎም።