ته نړیوال حفاظت لپاره د خپل درخواست د پروسیجر د درولو پرېکړه کولی شې.
ځینې خلک نړیوال حفاظتلپاره خپل د درخواست پروسیجر د CGVS/CGRAپرېکړې ته د انتظار کولو نه وروسته بس کول غواړي. ولې؟ ځکه چې په هیواد کې یې نور مشکل نه وي او هلته ستنېدل غواړي، یا دا چې په بلجیم کې یې د اقامې اجازه ترلاسه کړې وي (فامیل سره یو ځای کېدل، انتظام، او داسې نور).
دغه طرزالعمل څنګه ودروو؟
که ته بلجیم نه نور حفاظت لپاره درخواست ورکول نه غواړې، نو لازمه ده چې CGVS/CGRA ته خبر ورکړې. ته یوازینی تن یې چې خپل طرزالعمل درولی شې. ستا وکیل یا بل تن ستا د طرف نه پرېکړه نشي کولی.
په تا لازمه ده چې د CGVS/CGRA یوه فورمه ډکه کړې. د دغې فورمې د ترلاسه کولو او ډکولو لپاره د خپل ټولنیز کارمند یا خپل وکیل نه د مرستې غوښتنه وکړه. همداراز بلجیم کې ستا په اقامه د عواقبو په اړه ترې پوښتنه وکړه.
کله چې CGVS/CGRA دغه فورمه ترلاسه کړی نو هغه سمدستي د حفاظت طرزالعمل ودروي.
د ډوبلین د طرزالعمل پایلې
مهرباني وکړئ په یاد ولرئ: که تاسو په بلجیم کې د نړیوال خوندیتوب لپاره خپل درخواست ودروئ او بیا په بل هیواد کې درخواست وسپارئ چې د اروپایی اتحادیې غړی وي، د ډوبلین طرزالعمل قوانین پلي کیږي. دا پدې مانا ده چې بلجیم د نړیوال خوندیتوب لپاره ستاسو د درخواست پروسس کولو مسولیت لري. په اصل کې، هغه بل اروپایې هیواد به تاسو بلجیم ته تسلیم کړي.