ናብ ሃገርኩም ምምላስ

ምርጫኹም እዩ

ናብ ሃገርኩም ክትምለሱ እንተደኣ ደሊኹም፡ እዚ ወለንታዊ ምምላስ፡ ደኣ እምበር ግዱድ ምምላስ ኣይኮነን።

እዚ ኣብ ውሳኔኹም ዝምርኮስ ጉዳይ ኰይኑ፡ እንተሊድኹም እውን ሓሳብኩም ቀዪርኩም ንኸይትምለሱ ክትውስኑ ትኽእሉ ኢኹም።

ንኽትምለሱ ክትውስኑ እትኽእሉሉ እዋን፡ ናትኩም መስርሕ ሕቶ ዕቝባ ከይተዛዘመ እንከሎ ወይ ኣሉታዊ ውሳነ ምስ እትቕበሉ። ኣብ ቤልጅዩም እናሃለዉ ውሕስነት ንኽወሃቦም ኣመልኪቶም ዘይፈልጡ ወጻእተኛታት እውን ብወለንታኦም ንኽምለሱ ሓገዝ ክሓቱ ይኽእሉ እዮም።

ብወለንታኹም ክትምለሱ እንተደኣ ደሊኹም፡ ካብ መሬት ቤልጅየም ናይ ይውጻእ ትእዛዝ (BGV/OQT) ከድልየኩም እዩ። Fedasil ነዚ ካብ ግዝኣት ቤልጅየም ናይ ይውጻእ ትእዛዝ ክትሓቱ ክሕግዘኩም ይኽእል እዩ።

ንኽትምለስ ከመይ ጌርካ ሕቶ ተቕርብ?

ናብ ናይ መበቆል ሃገርኩም ንኽትምለሱ፡ ካብ Fedasilሓገዝ ክትሓቱ ትኽእሉ ኢኹም። Fedasil ንናይ ምምላስ ጉዕዞኹም ይውድቦን ወጻኢታቱ ይሽፍኖን እዩ። ንዋጋ ናይ`ቲ እትምለሱሉ ትኬት ነፋሪት ወይ ኣውቶቡስ ኣይትኸፍልዎን ኢኹም።

ብዛዕባ ወለንታዊ ምምላስ ንምሕታት ወይ ንዝያዳ ሓበሬታ፡ ናትኩም ኣሳላጢ/ት ማሕበራዊ ጉዳይ ብቐጥታ ተወከሱ።

ኣብ መቐበሊ ቦታ ተዓቚብኩም እንተዘይሃሊኹም፡ ናብ ናጻ መስመር ተሌፎን 0800/32 745፡ ክትድውሉ ወይ ናብ ቤት-ጽሕፈት ናይ መሻርኽቲ Fedasil ዝዀነ ትካል ብኣካል ክትቀርቡ ትኽእሉ ኢኹም።