Kthimi në vendin tuaj
Njerëzit që duan të kthehen në vendin e tyre mund të kërkojnë ndihmë nga Fedasil.
Është zgjedhja juaj.
Nëse zgjidhni të ktheheni në vendin tuaj, do të jetë një kthim vullnetar, dhe jo një kthim i detyruar.
Është vendimi juaj dhe jeni të lirë të ndryshoni mendje dhe të vendosni të mos largoheni.
Ju mund të vendosni të largoheni gjatë procedurës suaj të azilit ose kur keni marrë vendim negativ. Shtetasit e huaj që janë në Belgjikë dhe që asnjëherë nuk kanë aplikuar për mbrojtje, gjithashtu mund të aplikojnë për ndihmë për kthim vullnetar.
Nëse dëshironi të ktheheni vullnetarisht, do t’ju duhet një urdhër për t’u larguar nga territori belg (BGV/OQT). Fedasil mund t’ju ndihmojë të kërkoni një urdhër për t’u larguar nga territori belg.
Si të kërkoni një kthim?
Për t’u kthyer në vendin tuaj të origjinës, mund të kërkoni ndihmë nga Fedasil. Fedasil organizon dhe financon udhëtimin tuaj të kthimit. Ju nuk duhet të paguani për biletën e avionit apo biletën e autobusit.
Për të kërkuar kthim vullnetar ose për më shumë informacion, mund të kontaktoni drejtpërdrejt punonjësin tuaj social.
Nëse nuk ndodheni në një vend pritjeje, mund të telefononi në numrin pa pagesë 0800/32 745, ose të shkoni në një zyrë të Fedasil ose zyrë partnere.