ብሓልዮት ዝወሃብ ግዝያዊ ሕክምናዊ ፍቓድ

ኣብ ቤልጂዩም ወግዓዊ ሕክምናዊ ፍቓድ (9ter) ንኽትረኽቡ ክትገብርዎም ዝግባእ፦

• መንነትኩም ዘለሊ ወግዓዊ ሰነድ ክህልወኩም
• ወግዓዊ ሕክምናዊ ወረቐት ምስክር ማለት ቤት-ጽሕፈት ኢሚግሬሽን ዘረጋገጾ እሞ ብዶክተርኩም ዝተጻሕፈ።
• እቲ ዝወሃበኩም ሕክምናዊ ወረቐት ምስክር፡ ብዕቱብ ሓሚምኩም፡ ሕማምኩም ድማ ኣብ ናይ መበቆል ሃገርኩም ክፍወስ ከምዘይከኣል ዘረጋግጽ እዩ።

መስርሕ ወግዓዊ ሕክምናዊ ፍቓድ - ቅደም-ተኸተላዊ ውጥን

1. ንመመልከቲኹምን ነቲ ዝተዋህበኩም ወግዓዊ ሕክምናዊ ወረቐት ምስክርን ብምዝጉብ ፖስታ ናብ ቤት-ጽሕፈት ኢሚግሬሽን ትልእኽዎም።
2. ቤት-ጽሕፈት ኢሚግሬሽን መመልከቲኹም ዝተርፍዎ ሰነዳት ከምዘይብሉ የረጋግጽ። ቤት-ጽሕፈት ኢሚግሬሽን፡ መሰል ወግዓዊ ሕክምናዊ ፍቓድ ከምዘለኩም ንምርግጋጽ እውን ይፍትሽ እዩ። እዚ ደረጃ መስርሕ ናይ ምርግጋጽ ተኽእሎ ቅቡልነትእዩ።

• ዘቕረብኩሞ መመልከቲ ተቐባልነት ረኺቡ፦ ኣብ ጉዳይኩም ቀጺሉ መርመራ ክሳብ ዝግበር ኣብ ቤልጂዩም ክትጸንሑ ትኽእሉ ኢኹም።
• ዘቕረብኩሞ መመልከቲ ተቐባልነት ኣይረኸበን፦ ኣሉታዊ ውሳኔይወሃበኩም።

3. ቤት-ጽሕፈት ኢሚግሬሽን ንመመልከቲኹም ይምርምሮ፤ እዚ ‘ንምርግጋጽ ፋይዳ ዝምልከት ደረጃ መስርሕእዩ።

• ዘቕረብኩሞ መመልከቲ ይጸድቕ፦ ግዚያዊ መሰል ነባርነት ይወሃበኩም።
• ዘቕረብኩሞ መመልከቲ ኣይጸደቐን፦ ኣሉታዊ ውሳኔ ይወሃበኩም።