Rregullimi humanitar

Juve nuk ju është dhënë e drejta e qëndrimit, por për shkak të një arsyeje të veçantë ju nuk mund të ktheheni në vendin tuaj të origjinës. Ju mund të dorëzoni një kërkesë për legalizim humanitar. Legalizimi është një procedurë e jashtëzakonshme.

Dëshmi për rrethana të jashtëzakonshme

Për të përfituar një legalizim humanitar (9bis) ju duhet të tregoni pse qëndrimi në Belgjikë është opsioni juaj i vetëm. Kjo mund të jetë për shkak se:

procedura juaj e qëndrimit është jashtëzakonisht e gjatë
ju jeni pa shtetësi
kthimi në vendin tuaj të origjinës është një shkelje e të drejtave ndërkombëtare të njeriut

Zyra e Emigracionit ka autoritet të lirë për të vendosur se kush merr një legalizim humanitar. Çdo kërkesë vlerësohet individualisht.

Kushtet

Për të bërë kërkesë për legalizim, ju duhet

të keni një dokument identiteti
pasja e një vendi banimi në Belgjikë
pagesa e një tarife administrative (rreth 360 Euro)

Procedura

Ju duhet ta dërgoni kërkesën tuaj për legalizim në komunënku ju jeni regjistruar. Komuna do ta dërgojë kërkesën tuaj në Zyrën e Emigracionit e cila do të marrë vendim.

Një kërkesë për legalizim mund të përpunohet shpejt, por gjithashtu mund të zgjasë edhe më shumë. Ndërkohë, nuk keni të drejtën e qëndrimit dhe nuk keni të drejtë të punoni.

Ju nuk merrni mbështetje nga CPAS/OCMW dhe nuk keni të drejtën për një vend pritjeje nga Fedasil. Nëse është e nevojshme, do të merrni asistencë mjekësore urgjente.

Kërkoni më tepër informacion apo ndihmë?

Pyesni një avokat për këshilla ligjore përpara fillimit të procedurës për legalizimin humanitar.