Magangelyada dhibaneyaasha kala-waaridida ama tahriibinta

Goorma laguu tixgeliyaa inaad tahay dhibanaha kala-waaridida dadka?

Haddii aad joogto gudaha Biljimka, aadan haysan dhalashada Biljimka aadna ku jirto in ka badan xaaladahan soo socda:

• Aad xaalad kale gashay oo ka duwan mida lagaa ballan qaaday.
• Lagugu qasbay inaad sameyso waxyaabo aadan rabin inaad samayso.
• Mushaarkaagu ka hooseeyo waxa laguu ballan qaaday. Aan lagu siin mushaar, ama mushaar yar lagugu siiyo, shaqada aad qabato.
• Lagugu qasbay inaad u shaqeyso dadka halkan ku keenay, si aad safarkaaga isaga bixiso.
• Adiga ama qoyskaaga la idiin hanjabay, iyo/ama aad tahay dhibbane shaqaaqo.
• Dukumentiyadaada lagaa qaatay ama lagaa haysto.
• Lagu xannibay. Aad ku nooshahay go'doon dunida kale ka baxsan.
• Aad timid Biljimka ka dib safar dheer, kaasoo lacag badan aad kusoo bixisay, aad ahayd dhibbane shaqaaqo ama noolashaada ay gashay halis.

Waa maxay badbaadada ay heli karaan dhibbaneyaasha kala-waaridida dadka?

Dhibbanaha kala-waaridida dadka ahaan, waxaad heli kartaa sharci degganaansho, oo ku xiran xaaladda in:

• Aad wadashaqeyn kala sameyso baaritaanka dembiyadaas culus.
• Aadan dib dambe u arag kuwa geystay dambiyadaas culus.
• Aad ogolaato inay ku taageeraan mid ka mid ah saddexda xarumaha qaabilaadda gaarka ah ee ku yaala Biljimka:
  • gudaha Brussels: PAG-ASA
  • gudaha Antwerp: PAYOKE
  • Gudaha Liege: SÜRYA

 Taageerada xarumaha qaabilaadda

Saddexda xarumaha qaabilaadda ah waxay ku caawiyaan dhibbaneyaasha:

• hoy ammaan ah
• taageerada caafimaadka iyo wareemka
• taageerada sharci