ዕቝባዊ ሓለዋ ነቶም ግዳያት ዘይሕጋዊ ምስግጋር ወይ ምጕዕዓዝ ደቂ-ሰብ ዝዀኑ ሰባት

መኣስ ኢኹም ከም ግዳያት ምስግጋር ደቅ-ሰባት ትቚጸሩ፧

ኣብ በልጅም ትነብሩ እንተሃሊኹም፡ በልጅማዊ ዜግነት aዘይብልኩም እንተኾይንኩምን ኣብ ካብ ሓደ ንልዕሊ ካብዞም ዝስዕቡ ኲነታት እንተሃሊኹምን፥

• ካብቲ ቃል ዝተኣትወልኩም ናብ ዝተፈልየ ኲነታት እንተመጺኹም።
• ክትገብርዎ ዘይትደልዩ ነገራት ንምግባር እንተተገዲድኩም።
• ደሞዝኩም ካብቲ ቃል ዝተኣትወልኩም ኣዝዩ ዝወሓደ ኣንተኾይኑ። ንትሰርሕዎም ስራሓት እንተዘይተኸፊልኩም፡ ወይ ከኣ ኣዝዩ ውሑድ እንተተኸፊልኩም።
• ንጉዕዞኹም ንምኽፋል በቶም ናብዚ ዘምጽእኹም ሰባት ክትሰርሑ እንተተገዲድኩም።
• ንስኻ/ኺ ወይ ስድራቤትካ ምፍርራሕ እንተገጢምኩም፡ ከምኡ ድማ/ወይ ግዳይ ጎነጽ እንተኾይንኩም።
• ሰነዳትኩም ተወሲዶም እንተልዮም ወይ ተታሒዞም እንተልዮም።
• እንተ ተዳጒንካ። ካብ ወጻኢ ዓለም ተነጺልካ ትነብር እንተኾይንካ።
• ናብ በልጅም ድሕሪ ነዊሕ ጉዕዞ መጺኻ፡ ንእኡ ዝኽወን ብዙሕ ገንዘብ ክትከፍል ነይሩካ፡ ንስኻ/ኺ ግዳይ ጎነጽ ነይርካ ወይ ድማ ህይወትካ ኣብ ሓደጋ ነይሩ።

ንግዳያት ምስግጋር ደቅ-ሰባት ዝኸውን እንታይ ሓለዋ ኣሎ፧

ከም ግዳያት ዘይሕጋዊ ምስግጋር ሰብ መጠን፡ እዞም ቀጺሎም ዝጥቀሱ ቅድመ-ኵነታውያን መምዘኒታት ኣብ ቦታኦም ኰይኖም፡ ኵነተ-ሃለዋት ነባርነትክጸድቀልኩም ተኽእሎ ኣሎ።

• ነዞም ግህሰታት ሕጊ ብዝምልከት፡ ኣብ መስርሕ መርመራ ምትሕብባር ክተግብሩ ትጽቢት ይግበረልኩም።
• ምስ ፈጸምቲ እዞም ገበናት እዚኦም ተወሳኺ ርክብ እንተዘይብልኩም
• ብሓደ ካብቶም ሰለስተ ኣብ በልጅም ዘለዉ ፍሉያት መቐበሊ ማእከላት ክትደገፉ እንተተሰማሚዕኩም፥
  • ኣብ ብራስለስ፥ PAG-ASA
  • ኣብ Antwerp (ኣንትወርፕ)፥ PAYOKE
  • ኣብ Liege (ልየጀ)፥ SÜRYA

 ደገፍ ኣብ ማእከላት መቐበሊ ኣጋይሽ

እተን ሰለስተ ማእከላት መቐበሊ እዚ ዝስዕብ ሓገዝ ንግድያት ይህባ፥

• ውሑስ መጽለሊ
• ሕክምናውን ስነ-ኣእምሮኣውን ደገፍ
• ናይ ሕጊ ሓገዝ