ስነ-ሕጋዊ ምኽሪ ዶ የድልየኩም ኣሎ?

መን ክሕግዘኩም ይኽእል?

• እቲ ንዓኹም ዝውክል ኣሳላጢ ማሕበራዊ ጉዳያት፦ ኣብ ማእከል ምቕባል ኣጋይሽ ብግዚያውነት ትቕመጡ እንተሃሊኹም፡ እቲ ኣብ መዳይ ማሕበራዊ ጉዳያት ደገፍ ዝገብረልኩም ሰራሕተኛ ተወሳኺ ሓበሬታ ክህበኩም ይኽእል'ዩ። እዚ ሰራሕተኛ እዚ (ወይ እዛ ሰራሕተኛ እዚኣ) ኣብ ፍሉይ ጉዳይ ምስ ዘተኵር ትካል ወይ ጠበቓ ከራኽበኩም ይኽእል እዩ።
• ትካል ህዝባዊ ማእከል ማሕበራዊ ድሕነት (CPAS/OCMW) እውን ብዛዕባ መሰለትኩም ሕቶ ከተቕርቡሎም እትኽእሉ ቀወምቲ መዓልትታት ስራሕ ኣለውዎ።
• ማሕበራት። ንሓተትቲ ዕቝባን ንዕቑባት ስደተኛታትን ብፍላይ ክሕግዝ ተባሂሉ ንዝቘመ ትካል ክትሓቱ ትኽእሉ ኢኹም። ሓደ ካብ ሰራሕተኛታት ጉዳይኩም ሰሚዑ ኣብ መዳይ ሕጊ መጻእተኛታት ፍሉይ ክእለት ምስ ዘለዎ ጠበቓ ከራኽበኩም ይኽእል እዩ።
• ጠበቓ። ዓለም-ለኻዊ ዕቝባ ንኽትረኽቡ ተመልክቱ እንተ ደኣ ሃሊኹም፡ ናይ ጠበቓ ሓገዝ ንኽትረኽቡ ሕቶ ከተቕርቡ ትኽእሉ ኢኹም። እዚ ከም'ዚ ዝኣመሰለ ጠበቓ፡ ድሩት መጠን ኣታዊ ንዘልዎም ሰባት፡ ናጻ ኣገልግሎት እዩ ዝህብ።

ምስ ጠበቓ እትራኸቡሉ መገዲ ከመይ ይመስል?

ኣብ'ዚ 2 ኣማራጺታት ኣለዉ፦

• ን ቤት-ጽሕፈት ስነ-ሕጋዊ ሓገዝ (BJB/BAJ) ክትውከሱ እሞ፡ ብዘይ ክፍሊት ኣገልግሎት ዝህበኩም ጠበቓ ክምድበልኩም ዝከኣል እዩ።
• ነዚ ብዘይ ክፍሊት ኣገልግሎት ዝህበኩም ጠበቓ ባዕልኻትኩም ኢኹም እትውከስዎ። እዚ ጠበቓ ክሕግዘኩም እንተዀይኑ ምስ ቤት-ጽሕፈት ስነ-ሕጋዊ ውዑል ክፍርም የድልዮ።

ከመይ ዝኣመሰሉ ሰነዳት እዮም ዘድልዩኹም?

ከም መሰነይታ ዘገልግሉ ደገፍቲ ሰነዳት ክህልዉኹም ይግባእ፦

• ከም መለለዪ መንነት ዘገልግሉ ሰነዳት፡ ቤት-ጽሕፈት ኢሚግሬሽን ዝሃበኩም ሰነዳት
• ከም መረጋገጺ ናይ'ቲ ዕቝባ ንኽወሃበኩም ዘቕረብኩሞ መመልከቲ፡ ጥብቆ ቍ. 26፡ ኣራንሾኒ ካርድ፡ ትካል CGVS/CGRA ዝሰደደልኩም ናይ ዕድመ ደብዳቤ ወዘተ

ባዕልኻትኩም ንጠበቓኹም ተወከሱ

•    ኣብ ዋሎኒያ ወይ ብራስለስ > https://avocats.be/

• ኣብ ፍላንደርስ ወይ ብራስለስ > www.advocaat.be