ቀይዲ

መን ክቕየድ ይኽእል፧

1. ሕጋዊ መንበሪ ፍቓድ ዘይብሎም ናይ ወጻኢ ዜጋታት

እቲ Immigration Office (ቤት-ጽሕፈት ኤሚግረሽን) ሕጋዊ መንበሪ ፍቓድ ንዘይብሎም ናይ ወጻኢ ዜጋታት ክቕይድ ይኽእል።

• ብዛዕባ ጉዳይ ነባርነት ብዝምልከት ኣሉታዊ ውሳነ ዝተዋህቡን ካብ ልኡላዊ ክሊ መሬት ሃገር ንኽወጹ ትእዛዝ ዝተቐበሉን (BGV/OQT)ሰባት።
• ንናቶም ሕጋዊ ኣካይዳ ካልእ ዝተፈልየት ሃገር ሓላፍነት ትወስደሎም ኣመልከትቲ (ሕጋዊ ኣካይዳ Dublin (ደብሊን))።
• ናብ በልጅም ክኣትዉ ፍቓድ ዘይብሎም ዜጋታት።

ሓደ ናይ ወጻኢ ዜጋ ንኽንደይ ዝኣክል ንውሓት ግዜ ክቕየድ ይኽእል፧

• እቲ ቀይዲ ን2 ኣዋርሕ ይጸንሕ።
• እዞም ክልተ ኣዋርሕ እዚኦም ናብ5 ኣዋርሕ ክናውሑ ይኽእሉ። ኣብ ትሕቲ ውሱናት ቅድመ-ኲነታት - ማለት መስርግ ግዱድ ምምላስ ኣብ ውሽጢ ክልተ ኣዋርሕ ክካየድ ዝከኣል እተኾይኑ።
• እንተድኣ ኣብ ልዕሊ ሃገራዊ ጸጥታን ህዝባዊ ስርዓትን ሓደጋ ኣንጸላልዩ፡ እቲ ንውሓት ግዜ ናብ8 ኣዋርሕ ክናዋሕ ይኽእል።
• ንፍሉይ ሕጋዊ ኣካይዳታት (Dublin (ደብሊን)፡ ቀይዲ ኣብቲ ዶብ፡ ወዘተ) እቲ ናይ ቀይዲ ንውሓት ግዜ ዝተፈልየ ኣዩ።