ናይ ዕቝብ ስደተኛ ኵነተ-ሃለዋት/መሰል ዘብቅዓሉ

ናይ ዕቑብ ስደተኛ ኵነተ-ሃለዋትኩም ከምዘብቅዕ ንምግባር

እዞም ቀጺሎም ዝዝርዘሩ ምዕባለታት ኣብ ዝኽሰቱሉ፡ ትካል CGVS/CGRA ናይ ዕቑብ ስደተኛ ኵነተ-ሃለዋትኩም ከምዘብቅዕ ክገብር ይኽእል፦

• ብወለንታኹም ዜግነት ካብ ዝወሰድኩሙላ ሃገር ዕቕባ ምስእትሓቱ።
• ብወለንታኹም ከሲርኩሞ ዝጸናሕኩም ዜግነት ዳግማይ ምስእትቕበሉ።
• ሓድሽ ዜግነት ምስእትቕበሉ።
• ናብ`ታ ኣሳዳዲ ኵነት ፈሪሕኩም ዝመጻእኩሙላ ሃገር ብወለንታኹም ተመሊስኩም ክትቅመጡ ምስእትጅምሩ።
• እቶም ከም ዕቑባት ስደተኛታት ተቐባልነት ንኽትረኽቡ ምኽንያት ዝዀኑ ረቛሒታት ደጊም ምስዘይህልዉ፤ ንኣብነት፡ ኣብ ናይ መበቆል ሃገርኩም ነባሪ ለውጢ ምስዝመጽእ።

ምኽላእ ናይ`ቲ ተዋሂቡኩም ዝጸንሐ ናይ ዕቑብ ስደተኛ ኵነተ-ሃለዋት

ትካል CGVS/CGRA ዘይግቡእ ኣብ ዝዀነሉ እዋን፡ ነቲ ተዋሂቡኩም ዝጸንሐ ናይ ዕቑብ ስደተኛ ኵነተ-ሃለዋት ተመሊሱ ክኸልኣኩም ዝከኣል እዩ። እዚ ክኸውን ዝከኣል፦

• ኣብ ናይ መበቆል ሃገርኩም ገበን ፈጺምኩም ከምዝመጻእኩም ምስዝረጋገጽ።
• ኣብ ናይ ቃለ-መሕትትኩም እዋን ግጉይ ቃል ወይ ሰነድ እንተሂብኩም።
• ባህርያትኩም ናይ ሓቂ ሓደጋ ዘንጸላለወኩም ወይ ዕቱብ ማህሰይቲ ከጋጥመኩም ዝኽእል ሰባት ከምዘይኰንኩም ዘመልክት ምስዝኸውን።
• ካብ መስርሕ ዕቝባ ክትግለፉ/ክትወጹ ይግባእ

ቤት-ጽሕፈት ኢሚግሬሽን እቲ ተዋሂቡኩም ዝጸንሐ ናይ ዕቑብ ስደተኛ ኵነተ-ሃለዋት ንኽትክልኡ ናብ CGVS/CGRA ሕቶ ከቕርብ ይኽእል እዩ።

• ኣብ ገለ ከቢድ ገበን ከምዝተረኸብኩም ምስዝረጋገጽ።
• ብመንጽር ሃገራዊ ድሕነት ስግኣት እትፈጥሩ ሰባት ምስእትዀኑ።

ኣንጻር ውሳኔ ናይ CGVS/CGRA ይግባይ ምባል

ኣንጻር ውሳኔ ናይ CGVS/CGRA ናብ ትካል RvV/CCE ይግባይ ክትብሉ ትኽእሉ ኢኹም። መስርሕ ይግባይ ከይተዛዘመ እንከሎ፡ ካብ ልኡላዊ ክሊ መሬት ናይ ቤልጂዩም ከምእትወጹ ክግበር ዝከኣል ኣይክኡአነን።