د مهاجر په صفت قبولۍ پای
CGVS/CGRA ستا د مهاجر په صفت قبوليختمولی شي، د بېلګې په توګه که ته یو نوی تابعیت ولرې او یا هغه هیواد ته د اوسېدو لپاره لاړ شې چیرته چې ته د تعقیب نه ډارېدلې. که تا د تفتیش پر مهال دوکه کړې وي نو CGVS/CGRA ښايي ستا قبولي بېرته واخلي.
د مهاجر په صفت ستاسو قبولي ختمول
CGVS/CGRA ستاسو د مهاجر په صفت قبولۍ پرېکړه ختمولی شي که چیرې:
- تاسو په خپله خوښه د هغه هیواد د حفاظت درخواست ورکړئ د کوم چې تاسو تبع یاست.
- تاسو په خپله خوښه هغه تابعیت چې له لاسه مو ورکړی بېرته لاسته راوړئ.
- تاسو یو نوی تابعیت ولرئ.
- تاسو په خپله خوښه هغه هیواد ته د اوسېدلو لپاره ځئ چیرته چې مو د تعقیب ډار لرلو.
- هغه شرایط چې ستاسو د مهاجر په صفت قبلېدو سبب شوي وو نور وجود نلري، د بېلګې په توګه ستاسو اصلي وطن کې د دوامي تغییرونو له امله.
د مهاجر په صفت ستاسو قبولي بېرته اخیستل
CGVS/CGRA ستاسو قبولي بېرته داسې اخیستلی شي چې هیڅکله باید نه وه درکړی شوې. دا امکان لري که چیرې:
- تاسو خپل اصلي وطن کې یو جرم ترسره کړی وي.
- تاسو د مرکې پر مهال جعلي بیانونه یا اسناد ورکړي وي.
- ستاسو د چلند نه ظاهرېږي چې تاسود جدي زیان کوم واقعي خطر نلرئ؟
- تاسو باید د حفاظت نه ویستل شوي وی
د مهاجرت دفتر CGVS/CGRA نه غوښتنه کولی شي چې ستاسو د مهاجر په صفت قبولي بېرته واخلي که چیرې
- تاسو په یو ځانګړي جدي جرم کې محکوم شوي یاست.
- تاسو ملي امنیت لپاره خطر یاست.
د CGVS/CGRA د پرېکړې خلاف د اپيل درخواست کول
تاسو CGVS/CGRA د پرېکړې خلاف RvV/CCE ته د اپیل درخواست کولی شئ. د اپیل د پروسیجر پر مهال تاسو د هیواد نه په زور نشئ ایستل کېدلی.