LGBTQI ዝዀኑ ሰባትን መመልከቲ ናይ ኣህጉራዊ ሓለዋን

ከም LGBTQI ዝዀኑ ሰባት መጠን፡ ኣካል ናይ'ቲ ተኣፋፊ ዝበሃል ጕጅለ ኢኹም። ትካል CGVS/CGRA ነቲ ን ንዓለም-ለኻዊ ዕቝባ ዝምልከት እተቕርብዎ መመልከቲኹም ክምስርሖ እንከሎ፡ ነዚ ረቛሒ እዚ ኣብ ግምት የእትዎ እዩ።

ቃለ-መሕትት ብወዲ-ተባዕታይ ወይ ብጓለ`ንስተይቲ

ኣብ'ዚ ምስ ሰራሕተኛ ዕቝባ ናይ ትካል CGVS/CGRA እተካይድዎ ቃለ-መሕትት፡ ብዛዕባ እቶም ከም LGBTQI ዝዀንኩም ሰባት መጠን ንኽትሃድሙ ዝደረኹኹም ጸገማት ክትዛረቡ ይግባእ።

ዛንታኺ ንወድተባዕታይ ድዩ ወይስ ንጓለንስተይቲ ምንጋር እዩ ዝኸብደኪ፧ ኣብ'ቲ ናይ DVZ/OE ቅጥዒ መሕትት፡ እቲ ቃለ-መሕትት ዘካይደልኩም ሰራሕተኛ ዕቝባ ይኹን እቲ ንዝርርብኩም ዝትርጉም ክኢላ ቋንቋ ወዲ ተባዕታይ ዶ ወይስ ጓለ'ንስተይቲ ክ(ት)ኸውን ኢኹም እትደልዩ ዘመልክት ሓበሬታ ክትመልኡ ትኽእሉ ኢኹም። እቲ CGVS/CGRA ንጠለብኪ ከማልኦ ክፍትን'ዩ። ኣብ'ዚ መዳይ እዚ ሓገዝ ንምርካብ ን ኣሳላጢ/ት ማሕበራዊ ጉዳይኩም ተወከሱ።

መረጋገጺ/ጭብጢ ቕራብ

እዚ ቃለ-መሕትት እዚ ቅድሚ ምክያዱ፡ ብዝተኻእለ መጠን ብዙሕ ሓበሬታን ሰነዳትን ከምእተዳልዉ ግበሩ፤ ነዞም ዝስዕቡ ጉዳያት ብዝምልከት፦

• ናትኩም ጾታዊ ዝንባአሌኹም ወይ ጾታዊ መለለዪኹም
• ናብ ቤልጂዩም ንምእታው ዝሓለፍኩሞ ጕዕዞ
• ኣብ ናይ መበቆል ሃገርኩም ኣሳዳዲ ኵነታት ከየጋጥመኩም ትሰግኡ እንተዄንኩም

ሰራሕተኛ ዕቝባ፡ ካብ'ቲ ዝሃብኩሞ ወግዓዊ ቃልን ዘቕረብኩሙሉ ጭብጥን ተበጊሱ፡ ብዛዕባ ተኣማንነት ናይ ጾታዊ ዝንባለኹም መርመራ ከካይድ እዩ። ትካል CGVS/CGRA ጾታዊ ተግባራት ዘርእዩ ደረቕ ኰነ ተንቀሳቐስቲ ኣሳእል ኣይቅበልን እዩ። ሰራሕተኛ ዕቝባ፡ እቲ ኣብ ናይ መበቆል ሃገርኩም ኣሳዳዲ ኵነታት ንኸየጋጥመኩም ኣለኒ እትብልዎ ስግኣት ብመርትዖ ዝተሰነየ ምዃኑን ዘይምዃኑን እውን ክፍትሽ እዩ።