ሓገዝ ዝግበረሉ ውልቃዊ መነባብሮ

ንውልቅኻ ክትነብር ትደሊ ዶ? ድልየት ምስዝህልወካ፡ ምስ ሕጋዊ/ት መጕዚትካ ብምዃን፡ ደገፍ ዘድልዮ ውልቃዊ ናብራ ንኽትመርሕ መመልከቲ ከተቕርብ ትኽእል ኢኻ። እዚ ማለት ድማ ንበይንኻ ኣብ በዓል-ንጽል-ክፍሊ ኣፓርታማ ወይ ኣብ ኣፓርታማ ክትነብር ኢኻ ማለት እዩ።

ንበይንኻ ንኽትነብር፡ ሓያለይ ቅድመ-ኵነታዊ መምዘኒታት ከተማልእ ይግባእ፦

• ዕድሜኻ ልዕሊ 16 ዓመት ክኸውን ይግባእ።
• ከም ዕቑብ ስደተኛተቐባልነት ዝረኸበ ሰብ ኴንካ፡ ኣብ ሳልሳይ ኣካል ዝምርኮስ ዕቝባዝጸደቐሉ ወይ ድማ ፍቓድ ነባርነት ናይ ልዕሊ 3 ኣዋርሕ እዋን ዘለዎ ክትከውን ይድለ።
• ኣብ ማእከልመቐበሊ ኣጋይሽ ንልዕሊ 4 ኣዋርሕ ክትቅመጥ ዝጸናሕካ ክትከውን የገድስ (ነዊሕ ጻንሖት)።
• ርእስኻ ክኢልካ ንውልቅኻ ንኽትነብር ብቑዕ ክትከውን የገድስ።

ትካል ፌዳሲል ክትነብረሉ እትኽእል ዝሓሸ ቦታ ክመርጸልካ እዩ።

ኣብ መዳይ ደገፍ ዘድልዮ ውልቃዊ ናብራ ዝግበር ሓገዝ

ንበይንኻ እትነብር እንተዄንካ፡ መሰነይታ ዘይብሉ ትሕቲ ዕድመ መንእሰይ ከም ምዃንካ መጠን፡ ተወሳኺ ሓገዝ ክግበረልካ እዩ።

• ማሕበራዊ ሓገዝ ካብ ትካል CPAS/OCMWክትረክብ ኢኻ።

• ሓደ ብውልቂ ዝቘጻጸረካ ሰብ፡ ኣብ ተግባራውያን ዕማማትካ ክተሓጋገዘካ እዩ፦ ስራሕ ድዩስ ዕድል ስልጠና ኣብ ምርካብ፡ መጸዋዕታታት ክፍሊት (ቢላት) ኣብ ምድቕቓስ ወዘተ። እዚ ብውልቂ ዝቘጻጸረኩም ሰብ ኣብ መዳይ ኣጠቓቕማ ናጻ ግዜኹም ኰነ ምስ ስድራ-ቤትኩም ኣብ ምርኻብን ፈተውቲ ኣብ ምጥራይን እውን ክተሓጋገዘኩም እዩ።