ኣብ ማእከል መቐበሊ ኣጋይሽ እትነብሩን ሕክምናዊ ሓገዝ ከ የድሊዩኩምን

ኵነታት ጥዕናኹም ከም`ዚ ዝኣመሰለ ሓገዝ ዝጠልብ ምስዝኸውን፡ ናብ ነርስ ወይ ዶክተር ንኽትቀርቡ ሕቶ ከተቕርቡ ትእኽሉ ኢኹም። ኣብ ማእከላት መቐበሊ ኣጋይሽ ዝነጥፋ ክምናዊት ጕጅለታት ስለዘለዋ፡ ምስኣተን ቈጸራ ክትሕዙ ትኽእሉ ኢኹም። ኣብ መቐበሊ ቦታኹም ዶክተር ምስዘይህሉ፡ ስም ናይ`ቲ ክትረኣዩሉ እትኽእሉ ዶክተር ክሕበረኩም እዩ።

ባዕልኹም ናብ ካልእ ማለት ናብ ዝደለኹሞ ዶክተር ክትክዱ እንተዘይደሊኹም፡ ንቘጸራ ናይ ነርስ ይኹን ዶክተር እትኸፍልዎ ገንዘብ የልቦን። ብዘይ ዝዀነ ይኹን ክፍሊት ዘድልየኩም መድሃኒት እውን ክወሃበኩም እዩ። እቲ ዝርእየኩም ዶክተር፡ ብሪፈራል መልክዕ ናብ ሆስፒታል ድዩስ ናብ ካልእ ዶክተር ክሰደኩም ይኽእል እዩ።

ዶክተራትን ነርሳትን ገለ ተማሓላላፊ ሕማም (ከም ቲ.ቢ. ዝኣመሰለ) ከይህልወኩም መርመራ ይገብሩልኩም። ዘድልዩኹም ክታበታት እውን ይወሃቡኹም።

ነፍሰ-ጾር ኣዴታት፡ ቈልዑን ነኣሽቱ ህጻናትን ፍሉይ ሕክምናዊ ክንክን ይግበረሎም። ን ONE (ቋንቋ ፈረንሳ ዝዛረብ ክፋል ናይ`ዛ ሃገር) ወይ ን Kind & Gezin (ቋንቋ ዳች ዝዛረብ ክፋል ናይ`ዛ ሃገር) ብምውካስ ሓገዝ ክትረኽቡ ትኽእሉ ኢኹም።