Wadada baaskiilka gudaha Biljimka
Haddii aadan meel fog aadayn, wadada baaskiilka ayaa raqiis ah oo waa xal degdeg ah aad ku aadi karto agagaarka.
Halkee ayaad baaskiil ku wadi kartaa?
- Mar walba waxaa lagaaga baahan yahay inaad ku wado waddada baaskiilka. Waxaad ku garan kartaa waddada baaskiilka calaamadaha wadooyinka kala duwan, midabka guduudan ee wadada calaamada baaskiilka.
- Haddii aysan jirin waddo baaskiil, waxaad mar walba baaskiil ku wadi kartaa dhinaca midig ee waddada.
- Carruurta oo kaliya ayaa loo oggol yahay inay baaskiilka ku wadaan marshobiyeediga.
Badbaado
Marka aad baaskiil wado, waa inaad taxadar ka muujisaa waxyaabaha soo socda:
- Mar walba isticmaal nalalka baaskiilka marka aad ku wadeyso mugdiga.
- Xiro gashaanta madaxa ama garanka iftiima.
- Mar walba iska ilaali gawaarida marka aad demiso.
- Marka aad demiso, waa in aad marka hore u laalaadiso gacantaada jihada aad rabto in aad u demiso.
- Ha cabin wax khamri ah haddii aad baaskiil wadaysid.
- Waa inaadan isticmaalin telefoonka gacantaada marka aad saaran tahay baaskiilka si aad u samaysid wicitaan ama u dirtid fariimaha gaagaaban.
- Carruurta looma oggola raarta rarka, waxaa looga baahan yahay inay saarnaadaan kursi gaar ah oo ku dhagan baaskiilka.
Raacida baaskiila
Qufulka baaskiilka
Marka aad bakimayso baaskiilkaaga, mar walba ku quful silsilad ama qufulka baaskiilka. Baaskiilada inta badan waa la xadaa gudaha Biljimka!
Baaskiilka waa inuu ahaadaa mid waddada u qalma
Si aad sharci ahaan u wado baaskiil, aaskiilka waa inuu ahaadaa mid waddada u qalma.
- gambaleel
- bareeg adag horay iyo gadaal
- nal cad iyo jaalle ah dhanka hore iyo nal guduud ah gadaal.
- hummaag-celiye cad dhanka hore iyo hummaag-celiye guduud ah gadaal.
- hummaag-celiyeyaasha badeelada baaskiilka
- hummaag-celiyayaasha ku yaala sheegaga ama taayarada, leh cirifka muuqda