بلجیم کې بایسکل چلول

چیرته بایسکل چلولی شې؟

• تل باید د بایسکل په لاره بایسکل وچلوې. د بایسکل لاره ته د سرک په غاړه د جوړو شوو کرښو، د لارې د سور رنګ، او یا د بایسکل د نښې نه پېژندلی شې.
• که د بایسکل لاره نه وي نو بیا تل د سرک ښي طرف ته بایسکل چلولی شې.
• یوازې ماشومان په پیاده رو باندې د بایسکل چلولو اجازه لري.

خونديتوب

کله چې بایسکل چلوئ نو باید لاندې خبرو ته توجو وکړئ:

• کله چې تورتم کې بایسکل چلوې نو تل د بایسکل ګروپونه ولګوه.
• هیلمټ په سر کړه او فلوریسنټ واسکټ واغونده.
• کله چې تاوېږې نو تل د موټرو پام وکړه.
• کله چې تاوېږې نو لازمه ده چې اول هغه طرف ته چې ته پکې تاوېدل غواړې څنګل وغزوې او اشاره وکړې.
• که بایسکل چلوې نو هیڅ الکوحل مه څښه.
• بایسکل باندې باید موبایل نه د زنګ وهلو یا پرې د پېغامونو استولو لپاره استفاده ونکړې.
• ماشومان اجازه نلري چې د سامان په ټوکرۍ کې کېني، د هغوی لپاره یوه خاصه چوکۍ لازمه ده چې د بایسکل سره وصل شوې وي.

د بایسکل کولپ

کله چې بایسکل چیرته پارک کوې نو تل یې په یو زنځیر یا کولپ سره کولپ کړه. بلجیم کې بایسکلې اکثر غلا کېږي!

ستا بایسکل باید د سرک قابل وي

په قانوني توګه د بایسکل چلولو لپاره باید ستا قانون د سرک قابل وي.

• یو زنګ
• مخکې او شاته طرف ته قوي بریکونه
• مخې ته یو سپین یا زیړ ګروپ او شاته سور ګروپ
• مخې ته یو سپین ریفلیکټور او شاته یو سور ریفلیکټور
• په پیډلو ریفلیکټورونه
• په ټایرونو کې انعکاسي اشاره، د یوې انعکاسي غاړې سره