نامرتبه اقامه
که تا سره د اوسېدو لپاره اعتبار لرونکي اسناد نه وي، نو بیا ته بلجیم کې د اوسېدو د قانوني اقامې نه غیر اوسېږې. تا سره حکومت هیڅ مرسته نه کوي او د کار کولو اجازه نلرې.
هیڅ مرسته درسره نه کېږي
که تا سره په بلجیم کې قانوني اقامه نه وي، نو بیا درباندې لازمه ده چې د هرکلي مرکز یا CPAS/OCMW استوګنځی خوشې کړې. له دې امله ته د فیدازیل د سرپناه ځای او یا CPAS/OCMWد مرستې حق نلرې. ته همداراز د کار کولو اجازه نلرې. د قانوني اقامې نه غیر په بلجیم کې اوسېدل غیرقانوني دي.
که ته لاړ نشې، نو کېدلی شي چې د مهاجرت دفتر دې توقیف خانې ته انتقال کړي او د هغه ځای نه دې خپل اصلي وطن ته ولېږي.
ستا حقونه څه دي؟
- ماشومان دې د زده کړو حق لري، نو هغوی مکتب ته تللی شي.
- ته د عاجلې صحي مرستې (ډاکټر) حق لرې.
- ته د قانوني مرستې (وکیل) حق لرې.
د یو دوامي راتلونکي غوره کول
ستا لپاره درې لارې دي:
- ته دا خبره غوره کولی شې چې خپل وطن ته بېرته لاړ شې.
- باید دې لپاره اقدامات وکړې چې بلجیم کې قانوني ژوند وکړې.
- بل یو داسې هیواد چې ته پکې په قانوني توګه اوسېدلی شې ته د تللو سفر ته ادامه ورکړې.
په دې اړه احتیاط سره فکر وکړه چې ستا او ستا د فامیل د دوامي راتلونکي لپاره تر ټولو بهترینه لاره کومه یوه ده. دې باره کې خپل سوشل ورکر یا وکیل سره خبرې وکړه. هغوی مشوره درکولی شي.