ስዒቡ ዝቐርብ መመልከቲ፦ ኣብ ጉዳይ መቐበሊ ቦታ ዘለዎ ሳዕቤን
ስዒቡ ዝቐርብ መመልከቲ ምቕራብ ማለት፡ ኣብ መቐበሊ ቦታ ናይ ምጽናሕ ዕድል የልቦን ማለት እዩ።
ስዒቡ ዝቐርብ መመልከቲ ምስኣመዝገብኩም፡ Fedasil ኣብ ማእከል መቐበሊ ኣጋይሽ ኰነ ኣብ ናይ CPAS መንበሪ ገዛ፡ ቦታ ኣይክህበኩምን እዩ። መስርሕኩም ክሳብ ዝዛዘም ሕክምናዊ ሓገዝ ክትረኽቡ ኢኹም።
ብተመሳሳሊ ዝኾነ ትሕቲ ዕድመ ቅድሚ ሕጂ ብወለዱ/ሞግዚታቱ ኣቢሉ ዘቕረቦ መመልከቲ ምስተነጽገ ድሕር'ዚ ባዕሉ ሕቶ ዑቕባ እንተ ኣቕሪቡ ናይ ምቕባል መሰሉ ክድረት ይኽእል።
እንተደኣ CGRS (CGVS/CGRA) ኣብ ጉዳይኩም ሓደስቲ ረቛሒታት ከምዘለዉ ዘረጋግጽ ውሳኔ ድሕሪ ምሃቡ (ጉዳይኩም ተቐባልነት ዘለዎ ኮይኑ እንተተረኺቡ) ጥራይ ኢኹም ናብ ናይ Fedasil ናይ መጀመርታ መቐበሊ መጻእተኛታት ብምኻድ፡ ዳግማይ ጠለብ ከተቕርቡ እትኽእሉ ንመቐበሊ ቦታ።