ስዒቡ ዝቐርብ መመልከቲ፦ ኣብ ጉዳይ መቐበሊ ቦታ ዘለዎ ሳዕቤን

ስዒቡ ዝቐርብ መመልከቲ ምቕራብ ማለት፡ ኣብ መቐበሊ ቦታ ናይ ምጽናሕ ዕድል የልቦን ማለት እዩ።

ስዒቡ ዝቐርብ መመልከቲ ምስኣመዝገብኩም፡ Fedasil ኣብ ማእከል መቐበሊ ኣጋይሽ ኰነ ኣብ ናይ CPAS መንበሪ ገዛ፡ ቦታ ኣይክህበኩምን እዩ። መስርሕኩም ክሳብ ዝዛዘም ሕክምናዊ ሓገዝ ክትረኽቡ ኢኹም።

ብተመሳሳሊ ዝኾነ ትሕቲ ዕድመ ቅድሚ ሕጂ ብወለዱ/ሞግዚታቱ ኣቢሉ ዘቕረቦ መመልከቲ ምስተነጽገ ድሕር'ዚ ባዕሉ ሕቶ ዑቕባ እንተ ኣቕሪቡ ናይ ምቕባል መሰሉ ክድረት ይኽእል።

እንተደኣ CGRS (CGVS/CGRA) ኣብ ጉዳይኩም ሓደስቲ ረቛሒታት ከምዘለዉ ዘረጋግጽ ውሳኔ ድሕሪ ምሃቡ (ጉዳይኩም ተቐባልነት ዘለዎ ኮይኑ እንተተረኺቡ) ጥራይ ኢኹም ናብ ናይ Fedasil ናይ መጀመርታ መቐበሊ መጻእተኛታት ብምኻድ፡ ዳግማይ ጠለብ ከተቕርቡ እትኽእሉ ንመቐበሊ ቦታ።

ኣብ ቤልጂዩም ንዘለኩም ኵነታት ዝምልከት ሕቶ ኣለኩም ዶ? 
ኣብ Fedasil Info Point (ነቝጣ ሓበሬታ Fedasil) ነዞም ዝስዕቡ ጉዳያት ብዝምልከት መጺእኩም ክትሓቱ ትኽእሉ ኢኹም፦ብዛዕባ ስነ-ሕጋዊ ጉዳያት፡ መስርሕ ሕቶ ዕቝባኹም፡ ስራሕ፡ ትምህርትን ስልጠናን፡ ምምሕዳራዊ መስርሓት፡ ናብ ሃገረ-መበቆል ናይ ምምላስ ሓገዝ፡ ሕክምናውን ስነ-ልቦናውን ሓገዝ፡ ከምኡ'ውን ነገራዊ ሓገዝ።

ናብኡ ኬድኩም፡ መቐበሊ ቦታ ንኽወሃበኩም ሕቶ ከተቕርቡ ኣይትኽእሉን ኢኹም። ቦታ ንምርካብ ስምኩም ኣብ መዝገብ ተጸበይቲ ናይ ማእከል ምቕባል ኣጋይሽ ከምዝምዝገብ ክትገብሩ እዩ ዝግባእ።

ሰዓታት ስራሕ

  • ሰኑይ     ካብ ሰዓት 9:00 ቅ.ቀ - 12:00 ድ.ቀ
  • ሰሉስ    ካብ ሰዓት 9:00 ቅ.ቀ - 12:00 ድ.ቀ
  • ረቡዕ      ዕጹው 
  • ሓሙስ   ካብ ሰዓት 9:00 ቅ.ቀ - 12:00 ድ.ቀ
  • ዓርቢ        ካብ ሰዓት 9:00 ቅ.ቀ - 12:00 ድ.ቀ
  • ቀዳም          ዕጹው
  • ሰንበት            ዕጹው

ኣድራሻ፦