ኢንተርነት፡ ዋይ-ፋይ፡ ከምኡ`ውን ጻውዒታት ተሌፎን

እተን ኣብ ቤልጂዩም ኣገልግሎት ቴሌኮሙኒኬሽን ዝህባ ቀንዲ ትካላት በይዝ፡ ስካርለት፡ ቴሌኔት፡ ሊካሞባይል፡ ኦሬንጅ ወዘተ እየን።

ናጻ ኣገልግሎት ዋይ-ፋይ ኣበይ ክረክብ እኽእል?

ኣብ ናይ መጀመርታ መቐበሊ መጻእተኛታትን ኣብ ዝበዝሑ ማእከላት መቐበሊ ኣጋይሽን፡ ናጻ ሆትስፖት ናይ ዋይ-ፋይ ኣሎ። ኣብ ማእከላት መቐበሊ ኣጋይሽ፡ ብኮምፕዩተራት ዝሰርሑ ካፈታት ናይ ኢንተርነት እውን ይርከቡ እዮም።

ከም ልሙድ፡ ኣብ`ቲ እትኣትውዎ ክፍሊ ዝተለጠፈ ኮድ ተጠቒምኩም ኢኹም እትኣትዉ።

መስመር ኢንተርነት ኣብ ቤትኩም

ኣብ ቤትኩም ገመድ-ኣልቦ መስመር ኢንተርነት ምስዝህልወኩም፡ ኣብ ቤትኩም ዋይ-ፋይ ክትጥቀሙ ትኽእሉ ኢኹም። ነዚ ናይ ዋይ-ፋይ መስመር እዚ ኣብ ላፕቶፕ፡ ኣብ ዓባይ ኮምፕዩተር ድዩስ ስማርት ኣብ ዝዓሌታ ተሌፎን ክትጥቀሙሉ ትኽእሉ ኢኩም።

ነቲ ኣገልግሎት ዝህበኩም ትካል ናይ መጋጣጠሚ/መዋደዲ ክፍሊት ምስሃብኩሞ፡ ወርሓዊ ድማ ቀዋሚ መጠን ገንዘብ ትኸፍሉ።