په خپل سمارټ فون باندې ټلیفون کولو او انټرنېټ کتلو لپاره تاسو یو سیم کارډ ته ضرورت لرئ. بلجیم کې په ډېرو ځایونو کې تاسو وړیا وايي فايي ته لاسرسی کولی شئ.
زه چیرته سیم کارټ اخیستلی شم؟
بلجیم کې تاسو سیم کارټ په انټرنېټ، د تلیفوني شرکت په دوکان یا په مغازه کې اخیستلی شئ. د ټلیفون کولو او انټرنیټ استعمالولو لپاره تاسو د میاشتني ګډون (پوسټ پیډ) یا سیم کارډ (پري پیډ) ترمینځ یو غوره کولی شئ. د ګډون لپاره باید هره میاشت یو فیس ورکړئ. که ګډون مو لغوه نکړئ نو هغه په اتومات ډول تمدید کېږي.
په بلجیم کې غټ تلیفوني شرکتونه Base، Scarlet، Proximus، Telenet، Lycamobile، Orange وغیره دي.
زه وړیا وايي فايي چیرته پیدا کولی شم؟
د فیدازیل د هرکلي په مرکز او اکثرو د استوګنې مرکزونو کې د وړیا وايي فايي ځایونه شته. اکثر وختونه یوه انټرنېټ کیفې هم وي چیرته چې د استوګنې د مرکز په کمپیوټر انټرنېټ ته لاسرسی کېدلی شي.
اکثر اول باید په یو کوډ سره ورداخل شئ، کوم چې اطاق کې ښودل شوی وي.
ستاسو کور لپاره انټرنېټ پیوستون
که تاسو کور کې بې تاره انټرنېټ انسټال کړی وي، نو په کور کې به مو وايي فايي وي. دغې وايي فايي نه تاسو کور کې په لیپ ټاپ، کمپیوټر یا سمارټ فون استفاده کولی شئ.
تاسو د انټرنېټ شرکت ته یو ځل پیسې د انسټال کولو لپاره ورکوئ، او بیا به هره میاشت یو معلوم رقم ورکوئ.
