ኣብ ግዜኻ ምርካብን ተራኻ ምጽባይን

ኣብ ቆጸራ ኣብ ግዜኹም ተረኸቡ

ኣብ በልጅም፡ ኣብ ግዜኻ ምርካብ ኣገዳሲ ኣዩ። ደንጒኻ እንተመጺኻ፡ እዚ ነቲ ካልእ ሰብ ክብረት ዘይምርኣይ እዩ፡ ምኽንያቱ ከምዝጽበዩ ስለዝገበርኩሞም።

ደንጒኹም ትበጽሑ እንተመሲልኩም፡ ነቲ ካልእ ሰብ ኣቐዲምኩም ክትሕብርዎ/ዋ ኣለኩም። ንኣብነት ክትድውልሎም ወይ ናይ ጽሑፍ መልእኽቲ ክትሰድሎም ትኽእሉ። እዚ ኣብቲ መቐበሊ ማኣከል፡ ኣብ ስራሕ፡ ኣብ ቤት-ትምህርቲ፡ ኣብቲ ምምሕዳር ከተማ ወይ ምስ ኣዕሩኽ ኣብ ዝህልዉኹም ቆጸራታት ኣገዳሲ እዩ።

ንሳቶም መብዛሕትኡ ግዜ ድሮ ምስ ካልእ ሰብ ቆጸራ ኣለዎም። ሽዑ ንስኹም ሓድሽ ቆጸራ ምሓዝ የድልየኩም።

ዝኽፈትሉ ግዝያት ኣረጋግጹ

ዝበዝሑ ኣብያተ-ጽሕፈት ናይ ምምሕዳር ከተማ፡ ትካል CPAS/OCMW ወይ መቐበሊ ማእከላት ኣጋይሽ ንኣገልግሎት ዝኽፈቱሎም ሰዓታትኣለውዎም። ነዞም ኣገልግሎታት እዚኦም ኣብ ዝኽፈትሉ እዋን ጥራይ ኢኹም ክትረኽብዎም ትኽእሉ። ካብዞም ሰዓታት እዚኦም ወጻኢ፡ ናብዞም ኣገልግሎታት ከምድላይኩም ክትኣትዉን ክትወጹን ኣይክኣልን እዩ። እቶም ኣብኡ ዝሰርሑ ሰባት ሽዑ ካልእ ዕማማት ይሰርሑ ኣለዉ (ምምሕዳር፡ ኣኼባታት፡ ጻውዒታት ተሌፎን)።

ተራኻ ምጽባይ

ተራኹም ክትጽበዩ ኣለኩም እንተኽዕይኑ፡ ኣብ ብልጅም ብልምዲ ሓደ ሪጋ ትገብር ወይ ቊጽሪ ዘለዎ ቲከት ትወስድ። ኣብ ዝበጻሕክምሉ እዋን፡ ኣብቲ ድሕሪት ናይቲ ሪጋ ክትኮኑ ኣለኩም። ኣብ ቅድሚት ኮይንኩም ኣይትድፍኡ፡ ወይ ሰባት ኣይትጽቀጡ።

ኣብ ዝበጻሕክምሉ እዋን መጀመርታ ቊጽሪ ዘለዎ ቲከት ክትወስዱ ኣለኩም። ኣብቲ መጸበዪ ክፍሊ እቶም ቊጽርታት ዝረኣይሉ ሓደ ምልክት ኣሎ። ቊጽርኹም ኣብቲ ሰሌዳ ምስተራኣየ ጥራይ እዩ ተራኹም ዝኸውን።