ማእከል ምቕባል መጻእተኛታት

ማእከል ምቕባል መጻእተኛታት ኣብ 'Petit-Château' ናይ ብራስለስ ዝርከብ ኰይኑ፡ ብትካል ፌዳሲል፡ ማለት ቤልጂዩማዊ መንግስታዊ ኣካል፡ እዩ ዝካየድ። 

ኣብ ማእከል ምቕባል መጻእተኛታት ምስኣተኹም፡ ኣብኡ ክትስዕብዎም ብዛዕባ ዝግባእ ቅደም-ተኸተላት ሓበሬታ ዝሓዘ በራሪ ጽሑፍ ክወሃበኩም እዩ። እዚ በራሪ ጽሑፍ እዚ፡ ብዝተፈላለዩ ቋንቋታት ዝተዳለወ እዩ። 

ሰራሕተኛታት ፌዳሲል ንዅነታትኩም ዝምልከቱ ገለ ሕቶታት ከቕርቡልኩም እዩ። ኵነታት ጥዕናኹም ንምፍላጥ ድማ ሕክምናዊ መርመራ ክግበረልኩም እዩ። ሕማም ቲ.ቢ. ማለት ዓባይ ሰዓል ከይህልወኩምን ምፍታሽ ራጂ ክንገብረልኩም ኢና።

መቐበሊ ቦታ

ኣብ ማእከል ምቕባል መጻእተኛታት፡ ሰራሕተኛታት ትካል ፌዳሲል፡ ኣብ እዋን መስርሕ መርመራ ናይ`ቲ ንዕቝባ ብዝምልከት እተቕርብዎ መመልከቲ መቐበሊ ቦታ ንኽወሃበኩም መሰል ከምዘለኩምን ከምዘይብልኩምን ክፍትሹ እዮም። ዝምልከተኩም እንተዀይኑ፡ ትካል ፌዳሲል፡ ኣብ ማእከል ምቕባል መጻእተኛታት፡ ናይ ፈለማ መቐበሊ ቦታ ክህበኩም እዩ። ንግዚኡ ኣብኡ ክትጸንሑ ኢኹም።

ኣብኡ ኣብ እትጸንሑሉ እዋን፡ ኣብ ካልእ መቐበሊ ቦታ ናይ ቤልጂዩም፡ ምስ ኵነታትኩም ዝኸይድ ቦታ ክንረኽበልኩም ኢና።

ከመይ ጌርኩም ናብ ማእከል ምቕባል መጻእተኛታት ክትከዱ ትኽእሉ?

ማእከል ምቕባል መጻእተኛታት ኣብ ማእከል ብራስለስ እዩ ዝርከብ፦ Rue de Passchendaele 2 – 1000 Brussels