Qendra e mbërritjes
Pas regjistrimit të kërkesës suaj për azil në Belgjikë, ju mund të merrni një vend pritjeje në Qendrën e Mbërritjes së Fedasil.
Qendra e Mbërritjes ndodhet në “Petit-Château” në Bruksel dhe menaxhohet nga Fedasil, një organ qeveritar belg.
Në Qendrën e Mbërritjes, ju do të merrni një broshurë me informacion rreth hapave që do të ndiqni në qendër. Broshura është në dispozicion në disa gjuhë.
Anëtarët e stafit të Fedasil do t’ju drejtojnë disa pyetje rreth situatës suaj. Juve gjithashtu do t’ju bëhet një ekzaminim mjekësor për të kontrolluar gjendjen tuaj shëndetësore. Do të na duhet t’ju bëjmë një grafi të mushkërive tuaja për të parë nëse keni tuberkuloz.
Vendi juaj i pritjes
Në Qendrën e Mbërritjes, anëtarët e stafit të Fedasil kontrollojnë nëse keni të drejtën e pritjes gjatë shqyrtimit të kërkesës suaj për mbrojtje. Nëse është kështu, Fedasil do t’ju ofrojë pritjen e parë në Qendrën e Mbërritjes ose në një qendër tjetër pritjeje. Aty ju do të qëndroni përkohësisht.
Gjatë qëndrimit tuaj, ne do t’ju gjejmë një vend në një vend tjetër pritjeje në Belgjikë që i përshtatet situatës suaj.
Si të shkoni te Qendra e Mbërritjes?
Qendra e Mbërritjes ndodhet në qendër të Brukselit: Rue de Passchendaele 2 – 1000 Brussels