ድሕነት ኣብ ማይ

ኣበይ ክትሕንብስ ትኽእል ፧

• መሐንበሲ ቦታታት
• ኣብ ትሕቲ ክትትል ዝሕንበሰሉ ቦታታት ኣብ ባሕሪ
• ኣብ ትሕቲ ክትትል ዝሕንበሰሉ መዘናግዒ ማእከላት

ኣብቲ ማያዊ ቦታታት ድሕነትካ ኣውሕስ

• ነኣሽቱ ህጻናት ተኸታተሎም። ኣብ ማያዊ ቦታታት ዝጻወቱ ወይ ዝሕንብሱ ህጻናት ተኸታተሎም።
• ምሕንባስ ዘይትኽእል እንተኾይንካ ካብ ምሕኩልትኻ ንላዕሊ ዝዓሙቕ ማይ ኣይትእቶ።
• በይንኻ ብፍጹም ኣይትሓንብስ። ዋላ’ውን ጽቡቕ ገይርካ ሓንቢስካ ትኽእል እንተኾይንካ፣ ኣብ ሓደጋ ክትኣቱ ትኽእል ኢኻ።

ኣብ ዒላ ምሕንባስ ሓደገኛ ክኸውን ይኽእል እዩ።

• እቲ መሬቱ ዘይጥጡሕ ክኸውን ስለዝኽእል፣ እቲ ማያዊ ዕምቆት ሃንደበት ክልወጥ ይኽእል እዩ።
• ዝሑል ማይ ቅርጥማት ክገብረልካ ይኽእል እዩ
• ኣብ’ቲ ማይ ካብ ዝርከቡ በላኽቲ ነገራት ተጠንቀቕ
• ኣብ ዕምቀቱ ዘይተፈልጠ ማያዊ ቦታ ነጢርካ ኣይትእቶ

ኣብ ባሕሪ ምሕንባስ ሓደገኛ ክኸውን ይኽእል

• ሓያል ማዕበል ከሽከዓካ ይኽእል እዩ
• ኩሉ ግዜ ኣብ መንጎ እቶም ቢጫ መንሳፈፍቲ ጽናሕ
• ካብ ማያዊ መፈንተቲ ኣብ’ቲ ባሕሪ ርሓቅ  

ኣስተውዕለሉ ን  ሕብሪ ናይ’ቲ ባንዴራ

• ቀጠልያ ባንዴራ: ክትሕንብስ ትኽእል ኢኻ
• ቢጫ ባንዴራ: ክትሕንብስ ትኽእል ኢኻ ግን ዘንሳፍፉን ዝንፍሑን ነገራት ኣብ’ቲ ማይ ምጥቃም ክልኩል እዩ
• ቀይሕ ባንዴራ: ምሕንባስ ክልኩል እዩ  

ምሕንባስ ተመሃር

ኣብ ኩሉ መሐንበሲ ፑል ኣብ በልጀም፣ ናይ ምሕንባስ ትምህርቲ ንህጻናት ትሕቲ 12 ዝተዳለወ ኣሎ። ውላድኩም ኣብ ቤት-ትምህርታት እንኮላይ ምሕንባስ ክመሃር እዩ። ድሕሪ ዝተወሰኑ ትምህርታት ውላድኩም ብብቕዓት ክሕንብስ እንተኽኢሉ፣ ናይ መሐንበሲ ዲፕሎማ ክወሃብ እዩ ውላድኩም። 
ልዕሊ 12 ዓመቶም ህጻናትን ዓበይቲን ኣብ’ቲ መሐንበሲ ፑል እንኮላይ ክመሃሩ ይኽእሉ እዮም።