ኣብ ንጥፈታት ምስታፍ

እቲ እትዕቈቡሉ ማእከል መቐበሊ ኣጋይሽ ኣብ ውሽጢ ቀጽሩ ይኹን ካብ ቀጽሩ ወጻኢ ኣብ ዝዀኑ ቦታታት እዩ ንጥፈታት ዝውድብ። ክንዲ-ሰብ ንዝኣኸሉ ሰባት (ደቂ-ተባዕትዮን ደቀ`ንስትዮን) ዝዀኑ ንጥፈታት ኣለው፤ ከምኡ`ውን ንህጻናት፡ ማለት ካብ ትምህቲ ናጻ ኣብ ዝዀኑሎም እዋናት ዝሰላሰሉ።

ስፖርት

ማእከላት መቐበሊ ኣጋይሽ፡ ከም ልሙድ፡ ምጡን ዝዀነ ስፖርታዊ ንጥፈታት ዘአንግድ ኣዳራሽ ኣለዎም። ኣብ ጥቓ እቲ ተዓቚብኩሙሉ ዘለኹም ማእከል መቐበሊ ኣጋይሽ ኣብ ዝርከብ ክለብ ስፖርት እውን ክትጽንበሩ ትኽእሉ ኢኹም (ኣብ ቤልጂዩም፡ እቲ ብዝያዳ ፍቱው ዝዀነ ዓይነት ስፖርት ኵዕሶ-እግሪ እዩ)። እቲ ተዓቚብኩሙሉ ዘለኹም ማእከል መቐበሊ ኣጋይሽ፡ ናብ ሰብ-ሰርሖ መሐምበሲ ማእከላት ዑደታት ይውድብ እዩ፤ ከምኡ`ውን ብእግሪ ናይ ምዝዋር መደባት።

መርበብ ሓበሬታ (ኢንተርነት)ን ንባብን

ኮምፕዩተርን ምስ ናይ ዋይ-ፋይ ክሊ ክትጥቀሙ ትኽእሉ ኢኹም። ከምኡ`ውን ኣብ ቤልጂዩም ዝተፈላለያ ኣብያተ-ንባብ ኣለዋ። ኣብ ማእከላት መቐበሊ ኣጋይሽ፡ ብዝተፈላለዩ ቋንቋታት ዝተዳለዉ መጻሕፍቲ ክትረኽቡ ትኽእሉ ኢኹም።

ምስ ጐረባብቲ ምርኻብ

ማእከላት መቐበሊ ኣጋይሽ ጐረባብቲ እንተላይ ዝሳተፍዎም ንጥፈታት ይውድብ እዩ። ብዙሓትን ዝተፈላለዩን ንጥፈታት ኣለዉ፦ መዓልትታት ሌላ ተመኵሮ፡ ናይ ከባቢ መደባት ምዝንጋዕ፡ ናይ ስፖርት ግጥማት ወዘተ። ምስ ጐረባብቲ ናይ ማእከላትኩም እትራኸቡሎም ኣጋጣሚታት ኣለዉ።