ብምኽንያት ካልእ ጉዳይ፡ መንነት ዘለልዩ ሰነዳትኩም ክምለሱልኩም ትደልዩ ኣለኹም

ከመይ ጌርኩም - መንነት ዘለልዩ ሰነዳትኩም ንኽምለሱልኩም ጠለብ ከተቕርቡ ትኽእሉ?

ናብዚ ኣድራሻ እዚ ናይ ኢ-መይል መልእኽቲ ስደዱ፦ cid.teruggavedocumenten@ibz.fgov.be ማለት፡ ብቛንቋታት ዳች፡ ፈረንሳ፡ ጀርመን ወይ እንግሊዝ ልኣኹ። ጠለብካ/ኪ ህጹጽ ድዩ፧ ብኽብረትኩም ህጹጽ ምዃኑ ሓብሩ።

ኣብ ጠለበይ እንታይ ክጠቅስ ኣለኒ፧

ብምንታይ ምኽንያታት ሰነዳትካ ክምለሱልካ/ኪ ትደሊ ከምዘለኻ ሓብር። ከምኡ'ውን ነቶም ኣገደስቲ ዝድግፉ ሰነዳት ኣጠቓልል።

እንተድኣ እቲ Immigration Office (ቤት-ጽሕፈት ኤሚግረሽን) ምኽንያታትካ እኹላት ኣይኮኑን ኢሉ ሓሲቡ፡ ሰነዳትካ ኣይክምለሱልካን እዮም ኣብ ትሕቲ እቲ Immigration Office (ቤት-ጽሕፈት ኤሚግረሽን) ወይ እቲ CGVS/CGRA ድማ ክጸንሑ እዮም።

ነቶም ሰነዳት መኣስ ክወስዶም ይኽእል፧

ሰነዳትካ/ኪ ንምውሳድ ናይ ኢመይል ዕድመ ክቐርበልኩም እዩ። እዚ ብዙሕ መዓልታት ክወስድ ይኽእል እዩ። እቲ ዕድመ ንስኻ/ኺ ናበይ ክትከዱ ከምዘለኩምን መኣስ ክትከዱ ከምዘለኩምን ይገልጽ እዩ።

ነቶም ሰነዳት መን ክወስዶም ይኽእል፧

ንስኻ/ኺ ንሰነዳትኩም ባዕልኹም ብኣካል ክትወድዎምን ከምዝተቐምልክምዎም ድማ ክትፍርሙን ኣለኩም። ይኹን እምበር ናይ ትሕቲ ዕድመ ደቅኹም ሰነዳት ክትወስዱ ትኽእሉ ኢኹም።

ብኣካል ክትመጽእ/ጺ ኣይትኽእሉን ዲኹም፧ ካልእ ሰብ ክትሰዱ ትኽእሉ ኢኹም። እዚ ሰብ'ዚ ስልጣን ዝተዋህቦ ክኸውን ኣለዎ። እዚ ማለት ድማ ሓደ ጽሑፍ ሰነድ ኮይኑ ንስኻ/ኺ እዚ ሰብ'ዚ ንሰነዳትካ ክወስድ ፍቓድ ከምዝሃብካዮ ዘርኢ እዩ። እዚ ሰነድ'ዚ ንስኻ/ኺ ስለምንታይ ብኣካል መጺኻ ንሰነድካ ከምዘይወሰድካዮ'ውን ክገልጽ ኣለዎ። ከምኡ'ውን ነቶም ኣገደስቲ ዝድግፉ ሰነዳት ኣጠቓልል።