د انساني ترافیکو یا قاچاق د قربانیانو حفاظت

په کوم حال کې ته د انساني قاچاق قرباني ګڼل کېږې؟

که ته په بلجیم کې پاتې کېږې، د بلجیم تابعیت نلرې او د لاندې اوضاعو څخه یو کې یې:

• د کوم وضعیت چې درسره وعده شوې وه د هغې نه مختلف وضعیت که ګېر شوی یې.
• په زور داسې کارونو کولو باندې مجبور کړی شوی یې چې ته یې کول نه غواړې.
• د کوم څه چې درسره وعده شوې وه معاوضه دې د هغې نه ډېره کمه ده. کوم کار چې کوې د هغې پیسې نه وي درکړل شوې یا کمې درکړل شوی وي.
• هغه خلک چې ته یې دلته راوستلی یې تا مجبوروي چې کار وکړې، چې د سفر پیسې دې خلاصې کړې.
• ته یا ستا فامیل تهدید شوي یئ، او/یا د تاوتریخوالي قرباني یې.
• اسناد دې درنه اخیستل شوي وي یا نه درکول کېږي.
• بندي کړی شوی یې. د بهر دنیا نه په انزوا کې ژوند کوې.
• ته بلجیم ته د یو داسې اوږد سفر نه وروسته رسېدلی یې چې د هغې لپاره دې ډېرې زیاتې پیسې ورکړې وي، ته د تاوتریخوالي قرباني وې یا دې ژوند په خطر کې و.

د انساني قاچاق د قربانیانو لپاره کوم حفاظت دی؟

د انساني قاچاق د قرباني په صفت ته په لاندې شرط د اوسېدو قبوليترلاسه کولی شې:

• چې ته ددې جرمونو په تفتیش کې همکاري وکړې.
• ته ددې جرمونو د ترسره کوونکو سره نور تماس نلرې
• ته موافقه وکړې چې بلجیم کې د لاندې درې متخصصو هرکلي د مرکزونو لخوا درسره مرسته وشي:
  • برسلز کې: PAG-ASA
  • انټورپن کې: PAYOKE
  • لیګه کې: SÜRYA

 د هرکلي مرکزونو کې مرسته

دا درې د هرکلي مرکزونه قربانیانو سره په لاندې کارونو کې مرسته کوي:

• خوندي سرپناه
• صحي او رواني مرسته
• قانوني کومک