Procedurë e veçantë e vendbanimit për të miturit e pashoqëruar

Çfarë është procedura speciale e qëndrimit

• Kujdestari yt paraqet kërkesën për procedurën e veçantë të qëndrimit. Kujdestari yt do të bëjë pyetje në lidhje me vendin tënd të origjinës, anëtarët e familjes sate ënde dhe dokumentet e tua të identitetit. Mundohu të përgjigjesh sa më mirë që të jetë e mundur.
• Zyra e Emigracionit do të të ftojë, bashkë me kujdestarin tënd, për një intervistë në Bruksel. Ndonjëherë Zyra e Emigracionit gjithashtu fton një mik apo të njohur që mund të shpjegojë më shumë për situatën tënde në Belgjikë.
• Gjatë intervistës mund të flasësh lirshëm për situatën tënde dhe dëshirat e tua për të ardhmen. Kujdestari yt dhe një përkthyes janë të pranishëm në intervistë. Avokati yt gjithashtu mund të jetë i pranishëm.

Vendimi në procedurën e veçantë të qëndrimit

Pas intervistës, ne do të kërkojmë një zgjidhje të qëndrueshme për situatën tënde. Ti ke tre mundësi.

• Bashkimi me prindërit e tu në vendin ku ata ndodhen
• Kthimi në vendin tënd të origjinës ose në një vend të tretë ku mund të qëndrosh. Zyra e Emigracionit lëshon një urdhër për t'u kthyer.
• Qëndrimi i ligjshëm në Belgjikë

Qëndrimi në Belgjikë

Nëse të lejohet të qëndrosh në Belgjikë pas procedurës, do të marrësh një leje qëndrimi për një vit. Në atë kohë ti duhet të ndërtosh një jetë në Belgjikë: të shkosh në shkollë, të mësosh gjuhën, të zësh shokë etj.

Një muaj para se të skadojë leja jote, kujdestari yt do të paraqesë një kërkesë të re dhe do të raportojë për jetën tënde në Belgjikë (situata familjare, shkolla, aftësitë e tua gjuhësore).

Pas 3 vjetësh mund të marrësh leje qëndrimi (të përhershme) në Belgjikë.