Hapja e një llogarie bankare

Drejt cilës llogari bankare?

1. Ju keni marrë një kartë pagese elektronike nga qendra e pritjes

Në qoftë se po qëndroni në një qendër pritjeje, ka shumë mundësi që të keni marrë një kartë bankare dhe një llogari nga Belfius. Çdo muaj do ta merrni pagesën tuaj në atë llogari. Nëse bëni punë të vogla në qendër, do të merrni gjithashtu para për këtë në llogarinë tuaj.

• Ju mund ta përdorni këtë llogari për të paguar dhe transferuar elektronikisht para.
• Këtë llogari nuk mund ta përdorni për të marrë pagesat e pagave ose për të depozituar para.

2. Nëse nuk keni marrë një kartë pagese, mund të hapni llogarinë tuaj bankare

Ka banka të shumta në Belgjikë (KBC, Belfius, Argenta, ING, BNP Paribas). Për të hapur një llogari për herë të parë, zgjidhni bankën që dëshironi.

Ju mund të zgjidhni mes dy llojeve të llogarive bankare

• llogari standarde bankare
• llogari bazë e shërbimit bankar

Çfarë është një llogari bazë e shërbimit bankar?

Një llogari bankare me një kartë bankare që ju mund ta përdorni:

• për të bërë pagesa elektronike me një kartë bankare në dyqane
• për të tërhequr dhe depozituar para të thata (vetëm në Belgjikë)
• për të transferuar para drejt një llogarie tjetër
• për të vendosur urdhërpagesa të drejtpërdrejta
• për të kërkuar deklarata të llogarisë

Ju nuk mund të bëni si më poshtë:

• të kryeni transaksione ose të bëni blerje që rezultojnë në një bilanc negativ të llogarisë tuaj (nën 0 €)
• të paguani me vonesë (huazim parash)

Çfarë ju duhet për të hapur një llogari bankare?

• Ju keni nevojë të vërtetoni identitetin tuaj (nëpërmjet kartës elektronike të identitetit ose bashkëngjitjet nga Zyra e Emigracionit)
• Vërtetoni adresën tuaj të banimit (letër nga komuna për të tërhequr kartën tuaj të banimit, certifikatat nga komuna).

Kostoja

Për një llogari bankare bazë, do t’ju duhet të paguani mes 15 € dhe 20 € çdo vit.