Dokumentet e identitetit dhe mbrojtja ndërkombëtare
Si t’i kërkoni dokumentet tuaja mbrapsht?
Dërgoni një email në adresën Cgra-cgvs.IDdoc@ibz.fgov.be në holandisht, frëngjisht, gjermanisht ose anglisht.
A është kërkesa juaj urgjente? Përmendeni këtë.
Çfarë thoni në emailin tuaj?
Ju lutem tregoni arsyet pse ju duhet t’i tërhiqni dokumentet e identitetit mbrapsht. Gjithashtu, ju lutemi përfshini dokumentet tuaja mbështetëse.
A jeni ju refugjat i miratuar? Marrja mbrapsht e pasaportës suaj ndërkombëtare është e mundur vetëm kur keni arsye të vlefshme. Nëse CGRS (CGRA/CGVS) nuk e konsideron arsyen tuaj të kënaqshme, CGRS mund ta tërheqë statusin tuaj të refugjatit. Dokumentet origjinale përveç atyre të identitetit do t’ju kthehen sipas kërkesës.
Kur mund t’i tërhiqni dokumentet?
Ju do të merrni një ftese me email për të tërhequr dokumentet tuaja të identitetit. Kjo mund të kërkojë disa ditë. Në ftesë do të tregohet se ku dhe kur duhet të paraqiteni.
Kush mund t’i tërheqë dokumentet?
Ju duhet t’i tërhiqni dokumentet tuaja vetë personalisht dhe të firmosni për marrjen e tyre. Por, ju mund të tërhiqni dokumentet për fëmijët tuaj të mitur.
E keni të pamundur që të vini personalisht? Ju mund të dërgoni një person tjetër. Ky person duhet të ketë një prokurë me vete. Prokura është një dokument me shkrim në të cilin ju i jepni këtij individi autorizim dhe leje për të tërhequr dokumentet tuaja. Në këtë dokument duhet të tregohet gjithashtu pse ju e keni të pamundur t’i tërhiqni dokumentet tuaja personalisht.