د بلجیم تابعیت ترلاسه کول
خارجي اتباع فقط هغه وخت د بلجیم د تابعیت درخواست ورکولی شي چې 5 کاله یې په بلجیم کې قانوني اقامت کړی وي. ګڼ شمېر شرایط شته چې باید پوره کړی شي.
د بلجیمي موروپلار بچي په اتوماتیک ډول د بلجیم تابعیت ترلاسه کوي. خارجي اتباع د خاصو شرایطو لاندې د بلجیم د تابعیت لپاره درخواست ورکولی شي.
ته کله د بلجیم د تابعیت لپاره درخواست ورکولی شې؟
- که تا لږ تر لږه 5 کاله په بلجیم کې قانوني ژوند کړی وي
- او دلته د لامحدود ژوند کولو حق لرې
- د بلجیم په ټولنه کې دې ادغام کړی وي، د مثال په توګه د ادغام سند درسره وي
- د 3 ملي ژبو څخه په 1 ژبه خبرې او لیک کولی شې
- او لږ تر لږه 468 ورځې دې کار کړی وي
نور معلومات د ښاروالۍ څخه ترلاسه کولی شې.
د بلجیم د تابعیت لپاره به څنګه درخواست ورکوې؟
- لازمه ده په هغې ښاروالۍ کې درخواست داخل کړې په کومه کې چې ته ثبت شوی یې.
- د ښاروالۍ چارواکی به د مهاجرت د دفتر، د لویې څارنوالۍ د دفتر او د ملي امنیت د ریاست سره په مشوره ستا په درخواست کار وکړي.
- د لویې څارنوالي دفتر به ستا په درخواست (د 4 میاشتو دننه) ستا د درخواست په باره کې یوه پرېکړه وکړي او د ښاروالۍ چارواکي ته به خبر ورکړي.
- که پرېکړه منفي وه، ته د لومړۍ مرحلې محکمې ته اپیل کولی شې.