Barazia

Në Belgjikë, burrat dhe gratë janë të barabartë para ligjit. Ata kanë të njëjtat të drejta. Ndalohet me ligj që grave të mos u jepen të njëjtat të drejta. Ju gjithashtu nuk mund të diskriminoni askënd për shkak të origjinës së tyre, orientimit seksual ose fesë.

Diskriminimi është i paligjshëm në Belgjikë

Të gjithë belgët janë të barabartë para ligjit. Ju nuk mund ta diskriminoni dikë duke u bazuar te:

gjinia (të qenit burrë apo grua)
raca ose ngjyra e lëkurës
origjina (kombësia)
orientimi seksual (preferenca për burra ose gra)
lindja
mosha
feja
aftësitë e kufizuara

Barazia gjinore

Në Belgjikë, burrat dhe gratë lejohen të shkojnë në shkollë, të bëjnë sport, të punojnë, të bëjnë seks etj.
Gratë dhe burrat janë të lirë të zgjedhin partnerët e tyre (burra ose gra).
Ashtu si burrat, edhe gratë janë të lira të vendosin se çfarë të bëjnë ata me trupin e tyre (kush mund t'i prekë ato, me kë ato duan të kenë kontakt etj.).
Ashtu si burrat, edhe gratë mund të veprojnë plotësisht në mënyrë të pavarur, të ngasin makinën, të hapin llogari bankare.
Ashtu si burrat, edhe gratë mund të punojnë. Grave u lejohet të bëjnë çdo punë, prandaj ato mund të jenë edhe mjeke, oficere policie, avokate ose gjyqtare.
Burrat gjithashtu lejohen të bëjnë çdo punë, dhe gjithashtu mund të punojnë si infermierë ose pastrues.