مساوات

تبعیض په بلجیم کې غیر قانوني دی.

ټول بلجیمان د قانون په وړاندې یو برابر دي. ته چا سره په لاندې اساساتو په دلیل تبعیض نشې کولی:

• جنسیت (په دې چې ښځه یا سړی دی)
• ذات یا د پوستکي رنګ
• اصلیت (تابعیت)
• جنسي میلان (سړو یا ښځو لپاره ترجیح)
• زېږون
• عمر
• مذهب
• معلولي

جنسيتي برابري

• په بلجیم کې سړو او ښځو دواړو ته اجازه ده چې مکتب ته لاړ شي، ورزش وکړي، کار وکړي، سیکس وکړي، او داسې نور.
• ښځې او سړي د خپلو پارټنرانو (سړي یا ښځې) په غوره کولو کې ازاد دي.
• د سړو په څېر ښځې هم ازادي لري چې د خپلو بدنونو سره څه کول غواړي (څوک یې لمس کولی شي، چا سره تماس نیول غواړي او داسې نور).
• د سړو په څېر ښځې هم ازادي لري چې په مکمله خپلواګه توګه عمل وکړي، موټر وچلوي، بانکي حساب خلاص کړي.
• د سړو په څېر ښځې هم کار کولی شي. ښځې د هر کال او وظیفې کولو اجازه لري، نو هغوی هم ډاکټرانې، پولیس افسرانې، وکیلانې یا قاضیانې کېدلی شي.
• سړي هم اجازه لري چې هر کار او وظیفه وکړي، او د نرسانو یا صفايي کوونکو په صفت کار کولی شي.