ښاروالي
ښاروالي ګڼ شمېر مسئولیتونه لري: د مکتبونو او د ماشومانو د پاملرنې تنظیمول، سرکونه جوړول، د پارکونو چارې سر ته رسول، د کثافاتو غونډول ... ښاروالي، CPAS/OCMW او پولیس په شریکه محلي اداره تشکیلوي.
د بلجیم د هستوګن په توګه به ستا په هغه ښار یا ښاروالۍ کې ثبت نام شوی وي په کوم کې چې ته ژوند کوې.
د ښاروالۍ یا ښار مسئولیتونه
ښاروالي یا ښار د خپلو اوسېدونکو لپاره بېلابېل مسئولیتونه لري. په دوی کې د ټولو نه مهم دا دي:
- د مکتبونو او د ماشومانو د پاملرنې تنظیمول
- هستوګنو لپاره ټولنیز ملاتړ (CPAS/OCMW) برابرول
- د سرکونو جوړول
- د کثافاتو غونډول
- د ښاروالۍ مالیه غونډول
- امنیت تامینول (پولیس)
- هستوګن کسان په ښاروالۍ کې ثبتول
- د موټروانۍ لېسنسونه او د اقامې اجازې ورکول
- ودونه ترسره کول
- پیدایشونه ثبتول
- کتابخانې او د ورزش بېخ بناوې برابرول
- د پارکونو او ځنګلونو چارې ترسره کول
د ښاروالۍ صالون
هره ښاروالۍ یو د ښاروالۍ صالون یا ښار صالون لري. د ښاروالۍ صالون عموماً د ښاروالۍ په مینځ کې وي. د ښاروالۍ په صالون کې یو د ملکي چارو د دفتر مېز وي چیرته چې ته بلجیم کې د اوسېدو د اسنادو لپاره درخواست ورکولی شې: د اقامې اسناد، ښاروالۍ کې ثبت نام، د ادرس تغیرول، د پیدایش سندونه، لېسنسونه، او داسې نور.
ایا لا زیاتو معلوماتو یا کومک ته ضرورت لرئ؟
ایا د کوم سند یا بلجیم کې د خپلې اقامې په اړه پوښتنه لرې؟
- د هغې ښاروالۍ کومه کې چې ته ژوند کوې د ملکي چارو دفتر ته ورشه یا ورسره یو ملاقات جوړ کړه.
- هره ښاروالي یا ښار خپل د ګټورو معلوماتو (تلیفون شمېرې، د کار وختونه) ویب سایټ لري.