کثافات جلا کول لازم دي
په بلجیم کې لازمه ده چې کثافات د کثافاتو په مختلف رنګه جلا جلا بکسونو کې واچوئ. رنګونه او بکسونه یې په هره ښاروالي او ښار کې فرق کوي.
د کثافاتو جلا کول
کثافات بېلابېل ډولونه لري:
- بیولوژیکي = شنې مېوې، سبزيانې، د هګیو پوستکي
- پلاستیکي = پلاستیکي بوتلې
- اوسپنیز = د اوسپنې ډبې، قوطي
- ښیښه = د ښیښې بوتلې یا لوښي
- کاغذي او کارټني = ورځپاڼې، کارټني بکسونه
- الکترونیکي اسباب = تلویزیونونه، موبایلونه، د ویښتانو وچولو ماشینونه، چارجرې
کثافات بلجیم کې د ډول له مخې (په ترتیب)جلا اچول کېږي تر څو نوي تولیدات ترې جوړ کړی شي (بیاجوړول).
د جلا کولو لپاره د کثافاتو بکسې
هره ښاروالي د کثافاتو د غونډولو لپاره خپل مقررات لري. د کثافاتو د اکثرو ډولونو لپاره د کثافاتو مختلف رنګه بکسې یا کڅوړې شته چې تاسو یې باید د خپلې ښاروالۍ یا خپله ښاروالۍ کې د دوکان نه واخلئ.
ښاروالي کثافات غونډوي.
ښاروالي یا ښار هفته کې په یوه خاص معلومه ورځ کثافات غونډوي. هره ښاروالي په دې اړه مقررات لري چې د کوم رنګ والا بکسه یا کڅوړه باید په کومه ورځ او د کوم وخت نه بېرون کېښودل شي. که تاسو د اجازه ورکړل شوو ساعتونو یا ورځو نه غیر په نورو ورځو یا ساعتونو کې خپلې د کثافاتو کڅوړې بېرون پرېږدئ نو کېدی شي چې جریمه کړی شئ.
د کنټینرو پارک
غټ شیان یا کثافات چې ښاروالي یې د غونډولو لپاره نه راځي - مثلاً تلویزیونونه، صوفې، المارۍ، تیږې - دغو شیانو نه تاسو د خپلې ښاروالۍ په کنټینر پارک کې ځان خلاصولی شئ. دغه داسې ځای دی چیرته چې تاسو په غټو کنټینرو کې کثافات غورځولی شئ. ځینې وختونه باید تاسو د کثافاتو د غورځولو لپاره پیسې ورکړئ.