ኣብ ማእከል መቐበሊ ኣጋይሽ ኣይኰንኩምን እትነብሩ፣ ሕክምናዊ ሓገዝ ድማ የድልየኩም እዩ

ሕክምናዊ ሓገዝ እንታይ ማለት እዩ?

• ምብጻሕ ናብ ሓፈሻዊ ሓኪም እንተድኣ ሓሚምኩም
• ቃንዛ ስኒ እንተሃልዩኩም ናብ ሓኪም ስኒ ቅረቡ
• ሕክምናዊ መርመራ ብጠለብ ዶክተር (ኣልትራሳውንድ፡ ራጂ/ኤክስ-ረይ፡ ናይ ኮምፕዩተር መርመራ)
• ኣብ ገለ ኣጋጣሚታት ዝግበር መጥባሕትን ኣካላዊ ጽገናን (ንኣብነት ፊዝዮተራፒ ወይ ኣካላዊ ፍወሳ)
• ብመሰረት ትእዛዝ ዶክተር ዝወሃብ መድሃኒት (በዓል-ሞያ ፋርማሲ)
• ካልኦት ናብ ሓኪም እትቐርቡሎም ኣጋጣሚታት 

ከመይ ጌርኩም ሕክምናዊ ሓገዝ ናይ ምርካብ ሕቶ ተቕርቡ?

ትል ፌዳሲል ክኸፍሎ ዝግባእ መጸዋዕታ ክፍሊት ዕዳ (ኢንቮይስ) ሕክምና ናብ ገዛኹም መጺኡኩም ዶ?

መጸዋዕታ ክፍሊት ዕዳ ሕክምና (እንተላይ መዘኻኸሪታትን ደብዳቤታት ትእዛዛት ቤት-ፍርድን) ናብ ገዛኹም ይመጽኣኩም እንተሃልዩ፡ ነዞም ደብዳቤታት እዚኣቶም ኣብ ዝሓጸረ እዋን በዚ ዝስዕብ ኣድራሻ ናብ ትካል ፌዳሲል ክትልእክዎም ይግባእ፦

         Medical Costs Unit 

          Kartuizersstraat 21

          1000 Brussels

•  ነቲ ምስ'ቲ ናይ ዕዳ መጸዋዕታ ዝመጽእ ናይ ክፍሊት ግዴታ እውን ኣተሓሒዝኩም ልኣኽዎ። 
• ቈጸራ ናይ ዶክተር ብህጹጽነት ዝተታሕዘ ምስዝኸውን እሞ ኣቐዲምካ ናይ ክፍሊት ግዴታ ክዳሎ ምስዘይከኣል፡ ብኽብረትኩም ሃገራዊ ቍጽሪ ወይ ናይ OV/SP ቍጽሪ ወሲኽኩም ልኣኹ። ንሃገራዊ ቍጽሪ ወይ ናይ OV/SP ቍጽሪ ኣብ'ቲ ካብ ቤት-ጽሕፈት ኢሚግሬሽን ዝመጽኣኩም ሰነዳት (ጥብቆ) ክትረኽብዎ ኢኹም።  

ትካል ፌዳሲል ነዚ መሕወዪ ክፍሊትን ወጻኢታትን እዚ ከሕውዮ ምዃኑን ዘይምዃኑን ክምርምር እዩ።

ነዞም ወጻኢታት እዚኣቶም ብቐጥታ ባዕልኻትኩም ስለዝኸፈልኩሞም መሕወዪ ክፍሊት ክወሃበኩም ትደልዩ ዶ?

ንጠለብ መሕወዪ ክፍሊት ናይ ወጻኢታት ሕክምና ብዝምልከት፡ ትካል ፌዳሲል እዞም ቀጺሎም ዝስዕቡ ሰነዳት ክህልውዎ ይግባእ፦ 

• መበቆላዊ ሕታም ናይ መጸዋዕታ ክፍሊት ዕዳ ወይ ቅዳሑ
• ቅብሊት ክፍሊት/መደቓቐሲ ናይ መጸዋዕታ ክፍሊት ዕዳ
• ቅዳሕ ካርድ ናይ ባንክ። ካርድ ናይ ባንክ ብስም ተሓካሚ እንተዘይኰይኑ፡ ከፋሊ/ኣመልካቲ እቲ መሕወዮ ክፍሊት ናብ’ቲ ሕሳብ ንኽወሃቦ ከም እተሳማምዐ ዘረጋግጽ ደብዳቤ ተታሓሒዙ ክቐርብ ይግባእ።
• እቲ ናይ ክፍሊት ግዴታ ወይ ውልቃዊ ሓበሬታኹም (ሃገራዊ ቍጽሪ ወይ ናይ OV/SP ቍጽሪ - ቈጸራ ብህጹጽ እተሰርዐ ምስዝኸውን እሞ ኣቐዲምካ መመልከቲ ምቕራብ ዝከኣል ምስዘይከውን)።
• ነዞም ሰነዳት እዚኣቶም በዚ ዝስዕብ ኣድራሻ ናብ ትካል ፌዳሲል ልኣኽዎም፦ 

          Medical Costs Unit

          Kartuizersstraat 21

         1000 Brussels

ትካል ፌዳሲል ነዚ ወጻኢታትን እዚ መሕወዪ ክፍሊት ክህበሉ ምዃኑን ዘይምዃኑን ክምርምር እዩ።