Tallaalka fayraska korona

Isa soo tallaal. Tallaalku wuxuu adiga iyo kuwa kugu hareersan ka difaacaa fayraska korona.

Sidee tallaalku u shaqeeyaa?

  • tallaalka wuxuu sababaa in jirkaagu sameeyo unugyada difaaca jirka. 
  • Unugyadaas difaaca jirka waxay caawiyaan la dagaalanka fayraska. 
  • Haddii aad markaa aad qaado fayraska, difaaca jirka ayaa kaa difaaci doona. 

Maxay u tahay in aad istallaasho?

  • Si aad u ilaaliso naftaada iyo dadka kugu xeeran.

Fayraska korona wuxuu khatar ku yahay dadka badan oo kugu xeeran: 

  • Kuwa ka weyn 65
  • dadka qaba cudurrada sambabka, wadnaha ama xididdada dhiigga 
  • dadka qaba cudurka macaanka ama difaaca jirkooda liita (tusaale dadka qaba kansarka)

Laakiin fayrasku wuxuu kaloo qatar ku noqon karaa dhalinyarada, dadka caafimaadka qaba.

  • Si looga hortago faafitaanka fayraska.

Haddii in ka badan 70% dhammaan dadka ku nool Belgium la tallaalo, fayrasku si dhakhso yar ayuu u fidi doonaa. Kan waxaa loo yaqaanaa difaaca kooxda

  •  kooxdaNoloshaada dib ayay caadi ugu soo laabaneysaa si dhaqsi a
  • Waxay ka dhigeysaa jirkaaaga mid ka xoog badan fayraska.

Sii wad inaad raacdo tallaabooyinka ka hortagga koroona illaa dad ku filan laga tallaalo. Joogtee fogaanshaha 1.5 mitir, xiro maaskaraha wajiga oo dhaq gacmahaaga had iyo jeer.

2 cirbad oo cuddada sare ah
Cirbad cuddada sare ah

Sideed u qaadataa tallaalka?

  • Waxaad cirbad ka qaadan doontaa cududda sare
  • Talaallada badankooda, waxaad qaadan doontaa irbad labaad dhawr todobaad ka dib duritaanka kowaad
  • 14 maalmood ka dib waxaad si ku filan uga difaacaysaa cudurka loo yaqaan fayraska koroona
  •  Sababtoo ah difaacidu waxay bilaabataa inay hoos u dhacdo dhowr bilood ka dib, waxaa aad loogu talinayaa in lagu siiyo tallaal xoojin ah. Kani waa duritaan sadexaad dhowr bilood ka dib marka si buuxda laguu tallaalay.
Booster shot

Tallaalku ma badbaado baa?

  • Dadku waxay khibrad badan u leeyihiin sameynta tallaalada. Saynisyahannada adduunka oo dhan waxay aad uga shaqeeyeen sidii ay ugu sameyn lahaayeen tallaalka muddo gaaban gudaheeda. 
  • Tallaalka waxaa markii ugu horreysay si taxaddar leh u baaray dhowr hay'adood oo madax bannaan. Waa amaan. 

Ma la kulmi kartaa dhibaatooyin tallaalka ka dib?
Waxaa laga yaabaa inaad isku aragto

  • xoogaa guduudasho, xanuun ama barar cuddudaada kore ah.
  • daal
  •  madax xanuun
  • heerkul yara sarreeyo

Tani waa wax caadi ah mana ahan wax weyn, waxyeelooyinka way baaba'ayan dhowr saacadood ama maalmo kadib.

Qof kastaa ma helayaa tallaal?
Haa. Dadka oo dhan waa la tallaali karaa.

  • Tallaal laguma taliyo dadka qaarkood: tusaale ahaan, dadka heerkulkoodu sarreeyo ama difaacooda daciif yahay (tusaale ahaan, kuwa kansarka qaba). La xiriir dhakhtarkaaga wixii macluumaad dheeraad ah. 
  • Carruurta (ka yar 5) weli lama tallaalin.
  • Tallaalku qasab ma ahan.

Goorma ayaad qaadan doontaa tallaal?

  • Ma ku nooshahay xarun qaabilaad? Markay tahay goortaada, shaqaalaha joogo xarunta qaabilaada ayaa ku soo wargalin doona. 
  • Miyaadan ku noolanayn xarunta qaabilaada? Waxaad heli doontaa warqad, fariin qoraal ama i-mayl ballantaada tallaalka koowaad iyo labaad. Waa inaad xaqiijisaa ballantaada oo aad tagtaa xarunta tallaalka ee deegaankaaga.

Waxaad heli doontaa ballanta (taariikhda iyo waqtiga) ee tallaalkaaga. Ha seegin ballantaada! 

Tallaalka Covid-19