Tallaalka fayraska korona

Is tallaal. Tallaalku wuxuu adiga iyo kuwa kugu hareersan ka difaacaa fayraska korona.

Sidee tallaalku u shaqeeyaa?

  • Tallaalku wuxuu jirkaaga ku sababaa inuu sameeyo difaaca jirka. 
  • Difaacaa jirka waxay ka caawiyaan la dagaallanka fayraska. 
  • Haddii aad markaa aad qaado fayraska, difaaca jirka ayaa kaa difaaci doona. 

Maxay tahay inaad iska tallaasho?

  • Si aad u ilaaliso naftaada iyo dadka kugu xeeran.

Fayraska korona wuxuu khatar ku yahay dad badan oo kugu xeeran: 

  • kuwa ka weyn 65
  • dadka qaba cudurrada sambabada, wadnaha ama xididdada dhiigga 
  • dadka qaba cudurka macaanka ama difaaca jirkooga liita (tusaale dadka qaba kansarka)

Laakiin fayrasku wuxuu kaloo qatar ku noqon karaa dhalinyarada caafimaadka qaba.

  • Si looga hortago fiditaanka fayraska.

Haddii in ka badan 70% dhammaan dadka ku nool Belgium la tallaalo, fayrasku si dhakhso yar ayuu u fidi doonaa. Tan waxaa lagu magacaabaa difaaca guud.

  •  Noloshaadu si dhakhso leh ayey dib ugu soo noqon doontaa.
  • Waxay jirkaaga ka dhigeysaa mid ka xoog badan fayraska.

Sii wad inaad raacdo tallaabooyinka ka hortagga koroona illaa dad ku filan laga tallaalo. Joogtee fogaanshaha 1.5 mitir, xiro maaskaraha wajiga oo dhaq gacmahaaga had iyo jeer.

 2 cirbad oo cuddada sare ah
Cirbad cuddada sare ah

Sidee loo qaataa tallaalka?

  • Waxaa lagaa duri doonaa cudduda sare
  • Tallaallada qaarkood, waxaad qaadan doontaa duritaan labaad toddobaadyo yar kadib duridda koowaad
  • 14 maalmood kadib duritaanka waxaad kugu filan uga difaac haysataa fayraska koroona

Tallaalku ma amaan baa?

  • Dadku waxay khibrad badan u leeyihiin sameynta tallaalada. Saynisyahannada adduunka oo dhan waxay aad uga shaqeeyeen sidii ay ugu abuuri lahaayeen tallaalka muddo gaaban. 
  • Tallaalka waxaa markii ugu horreysay si taxaddar leh u baaray dhowr hay'adood oo madax bannaan. Waa amaan. 

Miyaad dhibaatooyin yeelan kartaa tallaalka kadib?
Waad yeelan kartaa

  • xoogaa guduudasho, xanuun ama barar cuddudaada kore ah.
  • daal
  • madax xanuun
  • heerkul yara sarreeyo

Tani waa wax caadi ah mana ahan wax weyn, dhibaatooyinka ayaa baaba'aya dhowr saacadood ama maalmo kadib.

Qof kastaa ma helayaa tallaal?
Haa. Dhammaan dadka ka weyn 18 sano waa la tallaali karaa.

  • Tallaal laguma taliyo dadka qaarkood: tusaale ahaan, dadka heerkulkoodu sarreeyo ama difaacooda daciif yahay (tusaale ahaan, kuwa kansarka qaba). La xiriir dhakhtarkaaga wixii macluumaad dheeraad ah. 
  • Carruurta (ka yar 18) weli lama tallaalayo.
  • Tallaalku qasab ma aha.

Ayaa marka hore la tallaalaa?
Tallaalidda dhammaan dadka ku nool Belgium wuxuu u dhacayaa dhowr marxaladood:

  • marka hore, dadka da'da ah ee ku jira xarumaha daryeelka degaanka iyo shaqaalaha daryeelka
  • kadibna dadka ka weyn 65 iyo bukaannada halista sare ugu jira
  • ka dib dhammaan dadka kale ee da'doodu ka weyn tahay 18.

Goorma ayaad heli doontaa tallaal?

  • Ma ku nooshahay xarun qaabilaad? Markay tahay goortaada, shaqaalaha joogo qaabilaadda xarunta ayaa ku soo wargalin doona. 
  • Miyaad ku noolayn xarun qaabilaad? Waxaad heli doontaa warqad, FARIIN ama e-mayl wada ballantaada tallaalka koowaad iyo labaad. Waa inaad xaqiijisaa ballantaada oo aad tagtaa xarunta tallaalka ee deegaankaaga.

Waxaad heli doontaa ballanta (taariikhda iyo waqtiga) ee tallaalkaaga. Ha seegin ballantaada!